Բնակավայրեր

Բնունիսը գտնվում է ծովի մակարդակից 1760-1860 մ բարձրության, մարզկենտրոնից 114 կմ հեռավորության վրա։ Գյուղի վարչական տարածքը 1629 հա է: 

Բնակչությունը զբաղվում է անասնապահությամբ, ծխախոտագործությամբ, հացահատիկի մշակությամբ և մեղվաբուծությամբ։ Գյուղը հարուստ է պատմամշակութային հուշարձաններով: Բնունիսում բացվել է նոր հյուրատուն։

Բովաձոր բնակավայրը գտնվում է Լոռի Բերդ համայնքում: Բնակավայրը տեղակայված է  Ստեփանավան քաղաքից 4 կմ հեռավորության, ծովի մակարդակից 1430 մ բարձրության վրա: 

Ստեփանավան քաղաքից մինչև բնակավայր տանող ճանապարհը ասֆալտապատ է, իսկ ներհամայնքային ճանապարհները` տուֆ քարով սալիկապատված: Բնակավայրը ունի գիշերային լուսավորություն: Բնակավայրի տարածքով անցնում է «Լոռվա ջրանցք» ոռոգման համակարգը:

Բռնակոթը գտնվում է Որոտան գետի աջ կողմում, ծովի մակարդակից 1680-1740 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից ճանապարհով կազմում է 108 կմ, Սիսիան քաղաքից հեռու է 2-3 կմ դեպի հարավ-արևմուտք։

Բռնակոթում ընթանում են նոր և ժամանակակից դպորցի կառուցման աշխատանքներ։

Գագարին բնակավայրը գտնվում է Սևան համայնքում։ Գագարինը ունի ինքնատիպ հատակագիծ, կենտրոնից ճառագայթաձև սկիզբ են առնում թաղամասերը` տուֆակերտ շենքերով, վերջնամասում էլ գտնվում է Շիրազի թաղամասը։ Գագարինը երկաթուղային ու ավտոմոբիլային բանուկ ճանապարհներով կապված է մայրաքաղաքի ու մարզկենտրոնի հետ։ 

Բնակավայրի փողոցները ասֆալտապատ են, բարեկարգ, առկա է փողոցային լուսավորության համակարգ և գազաֆիկացում։

Գանձակ գյուղը գտնվում է Գավառագետի աջ ափին՝ ծովի մակերևույթից 2000-2750 մ բարձրության վրա և վերջանում Գեղամա լեռների ամենաբարձր գագաթի՝ Աժդահակի ստորոտում։

Գառնահովիտը գտնվում է ՀՀ Արագածոտնի մարզի հուսիս-արևմտյան մասում, Արագած լեռան արևմտյան լանջին։ Ծովի մակերևույթից 2150 մ բարձրության վրա։ Գառնահովիտը մարզկենտրոնից գտնվում է 63 կմ հեռավորության վրա, մայրաքաղաքից՝ 76 կմ։

Գյուղի տարածքները ամբողջովին բարեկարգված են։ Իրականացվել են ցերեկային լուսավորության ցանցի բարեկարգման աշխատանքներ։ Գյուղում մոդուլային տիպի դպրոց է կառուցվում։ Համայնքը նպաստավոր պայմաններ ունի գյուղատնտեսության, մասնավորապես՝ անասնապահության զարգացման համար։ Գյուղն ապահովված է խմելու և ոռոգման ջրով։

Գառնառիճը գտնվում է Ամասիա գյուղից 24 կմ հյուսիս-արևմուտք, մարզկենտրոնից՝ 37 կմ հեռավորության, ծովի մակարդակից 2020 մ բարձրության վրա: Ունի սառնորակ աղբյուրներ, որոնք օգտագագործվում են որպես խմելու ջուր:

Ջրա­գի­ծը, դե­պի խոտ­հարք տա­նող ճա­նա­պարհ­նե­րը վե­րա­նորոգ­ված են։ Շրջակայքում կան վրանավաններ։ Ճանապարհները, ջրի առուները նորոգված են։  Նպա­տակ կա Գառ­նա­ռի­ճում զար­գաց­նել գյու­ղա­կան զբո­սաշր­ջու­թյու­նը։

Գավառ բանավայրը գտնվում է ՀՀ  Գեղարքունիքի մարզում, Սևանա լճի ավազանի արևմտյան մասում, Գեղամա լեռնաշղթայի արևելյան լանջերին։ Գավառագետի ավազանի տարածքի մոտ 80% -ը գտնվում է մինչեւ 2000մ բարձրության վրա, ամենաբարձր լեռնագագաթը Աժդահակն է` 3598մ բարձրությամբ:Գավառում կան հանքային բուժիչ (ածխաթթվային) առատ աղբյուրներ։ Տեղակայված է Սևան երկաթուղային կայարանից՝ 36 կմ հեռավորության վրա։

Համայնքը գազաֆիկացված է,ունի փողոցային լուսավորության համակարգ,իրականացվում է կանոնավոր աղբահանություն։

Գարգառ բնակավայրը գտնվում է մարզկենտրոն Վանաձորից 26 կմ հեռավորության վրա, բարձրությունը ծովի մակերևույթից` 1450 մ: Գյուղի կլիման ձմռանը ցրտաշունչ է, ամռանը՝ զով, տեղումնառատ: 

Գյուղի աշխարհագրական դիրքը շատ նպաստավոր է հատկապես հաղորդակցման տեսակետից. Գարգառով է անցնում միջպետական նշանակության Երևան-Թբիլիսի մայրուղին։

Գեղադիր բնակավայրը տեղակայված է Արագած լեռնազանգվածի հյուսիսային լանջերին: Գյուղը գտնվում է ծովի մակարդակից 2025մ բարձրության վրա: Կլիման բարեխառն լեռնային է:

Գեղաձոր բնակավայրը տեղակայված է Արագած լեռան ստորին սարավանդում՝ Գեղաձոր գետակի հովտում, ծովի մակարդակից 2190 մ բարձրության վրա։  Կլիման ցուրտ լեռնային է։

Գեղամաբակ գյուղը գտնվում է Վարդենիս-Սոթք ճանապարհից աջ, Վարդենիսից մոտ 5 կմ հարավ-արևելք՝ ծովի մակարդակից 2025 մ բարձրության վրա։

Գյուղում իրականացվում է ծրագիր՝ վերազինված, նոր, նախակրթարանով դպրոցական համալիր ստեղծելու համար՝ ուսումնական գործընթացն ավելի բարեկեցիկ պայմաններում իրականացնելու նպատակով։  Նախատեսվում է նաև հիմնել ժամանցի երիտասարդական կենտրոն և գրադարան: