Ալվար

Ալվար գյուղը տեղակայված է Ամասիայից 10 կմ դեպի հյուսիս-արևմուտք: Համայնքի վարչական տարածքի մեջ մտնում են Ալվար և Արավետ գյուղերը: Համայնքը գտնվում է Եղնախաղի հարավ-արևելյան ստորոտում, մեղմաթեք սարավանդի վրա` ծովի մակարդակից 1980 մ բարձրության վրա:

Կլիման ցուրտ լեռնային է, ձմեռը տևական, ցուրտ,հաստատուն ձնածածկույթով: Ամառը զով է, համեմատաբար խոնավ:

Բնական լանդշաֆտները սևահողային լեռնատափաստաններ են և մերձալպյան մարգագետիններ: Գյուղում գրանցված 33 տնտեսություն կա։

Գյուղին տրամադրվել է գյուղտեխնիկա։ Ամասիա համայնքի մարզամշակութային կենտրոնում սկսել է գործել կանանց և աղջիկների համար նախատեսված նոր ֆիթնես մարզասրահ: