Աղբերք

Աղբերք բնակավայրը գտնվում է Սևանա լճի արևելյան ափին` Սևան- Ճամբարակ /Մ14/ ավտոմայրուղու և Երևան-Վարդենիս երկաթգծի մոտ, մարզկենտրոն Գավառից 68 կմ հյուսիս-արևելք, ծովի մակարդակից բարձր է 2150 մ: Այն հարակից է «Սևան» ազգային պարկին:

Աղբերքն այսօր լիարժեք զարգանում է։ Գյուղում կառուցված են գազատար և ջրամատակարարման ցանցեր։ Սուբվենցիոն ծրագրերով ներհամայնքային փողոցները ասֆալտապատված են, անցկացված է արտաքին լուսավորության ցանց։ Ամենամեծ արևային կայաններից մեկը տեղադրված է հենց այս գյուղում։ Կառուցվել է հանդիսությունների սրահ, համայնքային կենտրոն։ 

Գյուղում ակտիվ զբաղվում են անասնապահությամբ։ Սարերում և հանդամասերում կառուցված են համապատասխան խմոցներ։ 

Նախակրթարան, ակումբ, խաղահրապարակ են կառուցում։ 

ՀՀ էկոնոմիկայի նախարարության կողմից իրականացվող «Համայնքների գյուղատնտեսական ռեսուրսների կառավարման և մրցունակության ծրագրի» շրջանակներում Աղբերքի գյուղատնտեսական կոոպերատիվը ստացել է նորագույն գյուղտեխնիկա, ջրարբիացվել են արոտները հարյուրավոր հեկտարների վրա, նախատեսվում է կառուցել հովվի տնակ և մակաղատեղի: