Արեգունի

Արեգունին գտնվում է Սևանի լեռների ստորոտին, Սևանա լճի արևելյան ափի մոտ, մարզկենտրոն Գավառից 100 կմ արևելք, ծովի մակարդակից 2000 մ բարձրության վրա։

Արեգունիում սուբվենցիոն երկու ծրագիր է իրականացվում՝ կառուցվում է լուսավորության արտաքին ցանց, հիմնանորոգվում է խմելու ջրատարի ներքին ցանցը։ ԵՄ աջակցությամբ Արեգունիում հիմնվել են ջերմոցներ և տեղադրվել ջեռուցման համակարգեր։  Սկսել են օգտագործել էկոլոգիապես մաքուր կենսագազ:

Համայնքի երիտասարդները հիմնել են «Արեգունի» կոոպերատիվը՝ արտագաղթը կանխելու և բնակիչներին օգնելու նպատակով։ Արեգունին ունի վայրի բույսերի հարուստ տեսականի, և կոոպերատիվը որոշել է տեղադրել նաև չորանոց՝ մրգերի և բույսերի համար: 

Պետական միջոցներով առաջիկայում կհիմնանորոգվի Սևան-Շողակաթ Վարդենիս միջպետական ճանապարհի Արեգունի-Գեղամասար հատվածը։  

Համայնքում գործում է «Արեգունի» ՀԿ-ն, որի նպատակն է նպաստել մարզային համայնքների սոցիալ֊տնտեսական զարգացմանը։ Շահառուներն են՝ մարզային համայնքների խոցելի խմբերը, երիտասարդները և երեխաները:​