Արևշատ

Բնակավայրը գտնվում է Արագածի հյուսիս-արևմտյան լանջին, ծովի մակերևույթից 1960 մետր բարձրության վրա: Դիրքը լեռնային է։ Համայնքը սահմանակից է Մեծ Մանթաշ, Փոքր Մանթաշ, Նորաշեն և Սպանդարյան գյուղերին: Բնակչությունը զբաղվում է անասնապահությամբ ու հողագործությամբ, մշակում են հացահատիկային և բանջարաբոստանային կուլտուրաներ, հիմնականում գազար և կարտոֆիլ: 

Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները հեշտ հասանելի։

Անջրդի հողատարածքների վրա մշակվող հիմնական մշակաբույսերն են՝ հացահատիկային մշակաբույսերից՝ աշնանացան ցորենը, գարնանացան գարին, վարսակը, կերային մշակաբույսերից՝ առվույտը և կորնգանը։ Ջրովի հողերի վրա մշակվում են կարտոֆիլ, գազար, այլ բանջար-բոստանային մշակաբույսեր։

Անասնապահության հիմնական ճյուղերն են՝ կաթնային և մսային տավարաբուծությունը, խոզաբուծությունը և ոչխարաբուծությունը։ ։

Արևշատում կա սննդի և սպասարկման ոլորտի օբյեկտ, խանութ։