Բասեն

Մարզ

Շիրակ

Համայնք

Ախուրյան

Բնակչության թիվ առ 2026

1203

Հեռավորությունը մարզկենտրոնից

14

Հեռավորությունը Երևանից

130

Ընտանիքի յուրաքանչյուր անդամին

4 մլն

Նկարագրութուն

Բնակավայրը գտնվում է Փամփակի լեռնաշղթայի փեշերին, ծովի մակարդակից 1645մ բարձրության վրա։ Կլիման բարեխառն լեռնային է։

Բասեն բնակավայրում գործում է երկհարկանի, կահավորված, հարմարավետ, անհատական ջեռուցման համակարգով (տեղադրված է ֆոտովոլտային կայան) մանկապարտեզ: Այն ունի բոլոր հարմարությունները։

Սուբվենցիոն ծրագրի շրջանակում համայնքում ծավալված շինաշխատանքները նոր թափ են հաղորդել գյուղական կյանքին: Ընթացքի մեջ է նոր ոռոգման ցանցի կառուցումը, որին մասնակցում են նաև բնակավայրի բնակիչները։ Իրականացվում է Բասեն բնակավայրի և հարակից բնակավայրերի գազաֆիկացման աշխատանքներ։ Համայնքապետարանի միջոցներով կատարվել է բնակավայրի վարչական նստավայրի մասնաշենքի ու մշակույթի տան նորոգում: Մեկնարկվել է բնակավայրում մինի հարմարավետ և արդիական ֆուտբոլի դաշտի կառուցումը։ Գյուղատնտեսության մասնագիտացման ուղղությունը երկրագործությունն է և անասնաբուծությունը։ Զբաղվում են այգեգործությամբ, ծխախոտագործությամբ, հացահատիկային, կերային, բանջարաբոստանային կուլտուրաների մշակությամբ։

Համայնքային նշանակության հաստատություններ

Դպրոց (երկհարկանի, անհատական ջեռուցման համակարգ, մեծ սպորտ դահլիճ, լաբորատորիա)
Մշակույթի տուն
բուժկետ
գրադարան
համայնքապետարան
կապի հանգույց
մանկապարտեզ /վերանորոգված/

ԳՅՈՒՂԱՏՆՏԵՍԱԿԱՆ ԵՒ ՏՆՏԵՍԱԿԱՆ ՆՇԱՆԱԿՈՒԹՅԱՆ ԵՆԹԱԿԱՌՈՒՑՎԱԾՔՆԵՐ

Գյուղատնտեսական նշանակության հողեր՝ 3935 հա, որից՝

վարելահող՝ 1757 հա,
արոտներ ՝ 1875 հա,
այլ հողեր՝ 221 հա

Պատմամշակութային, բնական հուշարձաններ, զբոսաշրջային առանձնահատկություններ հնարավորություններ

Բասենում կան «Ժամ» եկեղեցի, որը կառուցված է սրբատաշ տուֆից և վերանորոգված է 1842 թ., «Սարավերի» եկեղեցի և «Ավերք» մատուռ։ Մոտակայքում կան գյուղատեղիներ, խաչքարեր։ Ի հիշատակ Մեծ Եղեռնի և 1988 երկրաշարժի անմեղ զոհերի, Հայրենական Մեծ պատերազմում զոհվածների և 2020թ Արցախյան պատերազմում հերոսացածների հուշահամալիրը։

Կոնտակտային տվյալներ

Վարչական ղեկավար՝ +374 41 963 647