- դպրոց,
- բուժկետ,
- կապի բաժանմունք,
- արվեստի դպրոց՝ պարի խմբակով,
- երիտասարդական կենտրոն,
- մերձակայքում տեղակայված են սահմանապահ ուղեկալ, մաքսատուն և բանկի մասնաճյուղ,
- համայնքային կենտրոն, որը ներառում է գյուղապետարան, հանդիսությունների սրահ, գրադարան և համակարգչային սենյակ։
Նկարագրութուն
Բավրա գյուղը գտնվում է հանրապետության հյուսիսում, Վրաստանի Հանրապետության սահմանից 2,5 կմ հեռավորության վրա: Գյուղը վերակառուցվել Գյումրի-Վրաստան ավտոճանապարհի հարևանությամբ: Ներկայումս հիմնանորոգվում է Գյումրի-Բավրա-Վրաստանի սահման մայրուղու 11․5 կմ հատվածը։
Աշոցքի տարածաշրջանում ամբողջովին դաշտավայրեր են, արոտավայրեր, բոլոր պայմանները կան անասնապահությամբ լիարժեք զբաղվելու համար։ Բավրան ոռոգման ջրի խնդիր չունի։ Գյուղին տրամադրված է գյուղտեխնիկա։
Բնակավայրում իրականացվել են բնական գազի ներքին ցանցի կառուցման աշխատանքներ։ Այստեղ երիտասարդական կենտրոն է գործում, որը տարբեր ծրագրեր է իրականացնում, գյուղում անցկացվում են համակարգչային դասընթացներ, սեմինարներ։ Կազմակերպվում են ճամբարներ, մշակութային և մարզական միջոցառումներ։ Բարեկարգվել են ճանապարհները։ Բավրայում նոր կրթահամալիր է կառուցվում։