Բենդիկ գյուղը գտնվում է Շամլուղ քաղաքից 5 կմ հեռավորության վրա, հայ-վրացական սահմանագլխին, նախալեռնային գոտում։
Բենդիկում գործարկվել է երթուղայինը, շաբաթական 3 անգամ՝ Բենդիկ-Ալավերդի ուղղությամբ։ Գյուղը լուսավորված է, ունի ջուր մատակարարող ջրամաբար, օգտվում են նաև բնական աղբյուրներից։ Աշակերտները հաճախում են Շամլուղի դպրոց։
Համայնքում գտնվող միջնադարյան եկեղեցին հիմնանորոգվել է:
Բնակչությունը հիմնականում զբաղվում է երկրագործությամբ ու անասնապահությամբ:
Բնակավայրը պատմամշակութային շատ կոթողներ ունի, որոնք թվագրվում են միջնադարին: Բենդիկ գյուղի պատմության և մշակույթի հուշարձանների ցանկում ներառված է 13 հուշարձան՝ դամբարանադաշտ /Ք.ա. 11-19 դդ./, եկեղեցիներ, խաչքարեր և այլն:
Բենդիկի մոտ է գտնվում նաև 10-րդ դարի Կկվի բույն ամրոցը, վաղ-բրոնզեդարյան դամբարանադաշտերը։ Սուրբ Գևորգ եկեղեցին՝ 10-13-րդ դդ. գտնվում է Բենդիկ թաղամասում, այստեղ են գտնվում նաև Նիկոլայի Խաչքարը՝ 1645թ, Բերդաքարը, Վերին Խաչերը։ Լալվար սարը և «Ղամշլուղ» կոչվող հանդամասը շատ գրավիչ կարող են լինել զբոսաշրջիկների համար:
