- վերանորոգված դպրոց,
- նախակրթարան,
- գրադարան,
- բուժկետ,
- «Արմաթ» ծրագրավորման լաբորատորիա,
- նորաստեղծ էկո-հյուրատուն,
- կապի հանգույց։
Նկարագրութուն
Գառնառիճը գտնվում է Ամասիա գյուղից 24 կմ հյուսիս-արևմուտք, մարզկենտրոնից՝ 37 կմ հեռավորության, ծովի մակարդակից 2020 մ բարձրության վրա: Համայնքի վարչական տարածքի մեջ մտնում են Գառնառիճ և Եղնաջուր գյուղերը: Գյուղը գտնվում է Աշոցքի սարավանդում, Արփի լճի հյուսիս-արևմտյան ալիքավոր հարթավայրում: Տարածքում կան մոտ 670 տեսակի բույսեր (խոլորձ, թրաշուշան, հիրիկ, կակաչ, շուշան)։
Ունի սառնորակ աղբյուրներ, որոնք օգտագագործվում են որպես խմելու ջուր: Ջրագիծը, դեպի խոտհարք տանող ճանապարհները վերանորոգված են։ Շրջակայքում կան վրանավաններ։ Գյուղին տրամադրվել է գյուղտեխնիկա։
Ճանապարհները, ջրի առուները նորոգված են։ Նպատակ կա Գառնառիճում զարգացնել գյուղական զբոսաշրջությունը։ Զբաղվում են հացահատիկային, կերային, բանջարաբոստանային կուլտուրաների մշակությամբ, պտղաբուծությամբ (խնձոր, տանձ, բալ), խոշոր եղջերավոր անասնաբուծությամբ, թռչնաբուծությամբ: