Բնակավայրը գտնվում է Գեղարքունիքի մարզի Սևանի տարածաշրջանում, Հրազդան գետի ձախակողմյան ափին, ծովի մակերևույթից 1850մ բարձրության վրա:
Բնակավայրն ամբողջությամբ գազաֆիկացված է և ապահովված խմելու ջրով: Բնակավայրի փողոցները ամբողջությամբ ապահոված են գիշերային լուսավորության համակարգով և գրեթե 70% ասֆալտապատ է:
Գեղամավանի վարչական տարածքը կազմում է 3128,37 հա, որից 829 հա վարելահող, 246 հա խոտարք և 898 հա արոտավայր:
Բնակչությունը զբաղվում է անասնապահությամբ և հողագործությամբ, վերջին տարիներին սկսել է զարգանալ նաև ինտենսիվ այգեգործությունը և ջերմատնային բուսաբուծությունը: Մշակում են հիմնականում հացահատիկային կուլտուրաներ ( ցորեն, գարի, հաճար), կերային մշակաբույսեր և կարտոֆիլ:
Վերջին տարիներին գյուղատնտեսության պետական աջակցության ծրագրերի շնորհիվ մեծ զարգացում է ստանում ինտենսիվ այգեգործությունը և ջերմատնային բուսաբուծությունը: Հիմնվել է 4,8 հա տանձենու ինտենսիվ այգի ժամանակակից տեխնոլոգիաներով (կաթիլային ոռոգման համակարգ և հակակարկտային ցանց) և 7,5 հա ջերմատնային տնտեսություն, որտեղ զբաղվում են ծաղկաբուծությամբ:
Բնակավայրի տարածքում պահպանվել են Սուրբ Աստվածածին (14 -15 րդ դար), Սուրբ Խաչ (12-13 րդ դար) և Թուխ Մանուկ (14-15րդ դար) մատուռները։
վարչական ղեկավար՝ +37493235464
