Գեղանիստ

Բնակավայրը գտնվում է Արագած լեռան ստորոտում՝ ծովի մակարդակից 1850մ բարձրության վրա; Տարվա եղանակների բաշխվածությունը անհամաչափ է, ձմռան տևողությունը մոտ 6 ամիս է։ Գեղանիստի տարածքը գտնվում է լեռնատափաստանային ենթագոտում, տարածքի ռելիեֆը հիմնականում լեռնային է, կտրտված ձորակների լայն ցանցով: Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները հեշտ հասանելի։ 

Անասնապահության հիմնական ճյուղերն են՝ կաթնային և մսային տավարաբուծությունը, խոզաբուծությունը և ոչխարաբուծությունը։ Գեղանիստում զբաղվում են մեղվաբուծությամբ։

Գյուղում կա սպասարկման ոլորտի օբյեկտ և հանդիսությունների սրահ, խանութներ։