- նորակառույց դպրոց,
- մարզադպրոց,
- վերանորոգված, կահավորված բուժկետ։
Նկարագրութուն
Գոմք գյուղը գտնվում է ՀՀ Վայոց Ձորի մարզի Վայքի տարածաշրջանում, Ախտա գետի ափամերձ լանջերին, ծովի մակարդակից 1800 մ բարձրության վրա, մարզկենտրոնից 35 կմ հեռավորության վրա: Արտաքին լուսավորության համակարգ ունի։
Գյուղն ապահովված է ոռոգման, խմելու ջրերով։ Սահմանակից է Զառիթափ և Արտավան համայնքներին:
Տուրիզմը զարգացնելու նպատակով համայնքապետարանը համագործակցում է հյուրատների, միջազգային կազմակերպությունների հետ։
Գոմքում շահագործման է հանձնվել նոր և գերժամանակակից դպրոց, որի շինարարական աշխատանքները Կառավարության օժանդակությամբ ավարտվել են այս տարի։ Գոմքում սկսել է գործել վերանորոգված բուժկետը։ Բնակավայրում կապի և հեռահաղորդակցության խնդիր չկա:
Գյուղն ունի 84 տնտեսություն։ Լեռնային այս գյուղում շուտով կբացվի տնաշինության 16 միլիոնի ծրագիրը՝ նպատակային-կանոնակարգված պայմաններով։ Այստեղ գործում են զբոսաշրջային կենտրոններ։
Մաքուր բնության շնորհիվ բնակիչներն ունենում են օրգանական մթերքներ անասնապահության և մեղվաբուծության ոլորտներում: Գոմքում կան բազմազան մշակաբույսեր և դեղաբույսեր։ Այստեղ ստեղծված են լավ պայմաններ հանգստի և զբոսաշրջության համար։