Գոշ գյուղը գտնվում է ՀՀ Տավուշ մարզի Դիլիջան համայնքի հյուսիս- արևելքում՝ «Դիլիջան ազգային արգելոց»ին հարակից Գոշ գետի հովտում։ Ծովի մակերևույթից բարձր է 1200 մետր։ Բնակավայրն ունի բարեխառն կլիմա։
Սուբվենցիոն ծրագրերով 2023 թ․ տուֆապատվել է գյուղի ճանապարհը, 2024թ․ կառուցվել է խմելու ջրագիծը։
Գոշը կապված է համայնքային կենտրոնի և այլ համայնքների հետ միկրոավտոբուսային երթուղիներով։
Ավանդաբար գոշեցիները զբաղվում են գյուղատնտեսությամբ։ Մոտակա արոտավայրերի բացակայության հետևանքով անասնապահությամբ այստեղ քիչ են զբաղվում։
Զարգանում են զբոսաշրջությունը, փոքր բիզնեսն ու ծառայությունների ոլորտը։
Գործում են մանրածախ առևտրի կենտրոններ, տեղական շուկա։
Գոշում և նրա շրջակայքում կան պատմաճարտարապետական արժեքավոր հուշարձաններ, որոնց կենտրոնը Գոշավանքի համալիրն է՝ Սբ․Աստվածածին(1191-1196թթ), Սբ․Գրիգոր(1231թ) և Սբ․Գևորգ(1254թ) եկեղեցիներով։ Այստեղ է գտնվում նաև Սբ․Հռիփսիմե եկեղեցին, որտեղ հանգչում է միջնադարի հայ մտածող, առակագիր Մխիթար Գոշի (1130-1213թթ) աճյունը։
վարչական ղեկավար՝ +37494949009
