Դարանակ

Դարանակը գտնվում է Սևանի լեռների ստորոտին, լճափից ոչ հեռու, Հավսաթաղք գետի հովտում՝ ծովի մակարդակից 1980 մ բարձրության վրա: Գեղարքունիքի մարզի ամենատաք բնակավայրերից է՝ մեղմ ձմեռներով: Բնակավայրը հիմնադրվել է 1922 թ.: Այնտեղ բնակվել են հարևան Փամբակ գյուղից տեղափոխվածները:  

Դարանակի դպրոցի շենքում ՄԱԿ-ի համաշխարհային պարենի ծրագրի շրջանակներում և մարզպետարանի աջակցությամբ վերանորոգման աշխատանքներ են կատարվել։  Սուբվենցիոն ծրագրի արդյունքում Դարանակում խմելու նոր ջրագիծ է կառուցվել: Տեղադրվել են ցանցապատ, փակ ջրավազաններ, գազային հակակարկտային կայան: Հարթեցվել և խճապատվել է Դարանակի ճանապարհը։ Ապահովված է գյուղի արտաքին լուսավորությունը։ 

Բնակավայրը բարենպաստ է գյուղատնտեսությամբ զբաղվելու համար, մթերման դժվարություն չունեն: