Դեբեդավան

Բնակավայրը գտնվում է Նոյեմբերյանի տարածաշրջանում, Նոյեմբերյան քաղաքից հյուսիս-արևմուտք, Դեբեդ գետի ցածրադիր ափին, ծովի մակերևույթից 380 մ բարձրության վրա, ՀՀ պետական սահմանից՝ 1 կմ հեռավորության վրա։ Հայաստանի ամենացածրադիր գոտիներից է։ Սահմանակից է Վրաստանին։ 

Բնակլիմայական պայմանների տեսանկյունից գտնվում է բարեխառն գոտում։ Ձմռանը հաստատուն ձյունածածկ չի ստեղծվում։ Հունվարյան միջին ջերմաստիճանը 1-1․5ºC է ։ Գարունները կարճ են ու բուռն, ամառները տաք ու տևական։ Հուլիս-օգոստոսին օդի միջին ջերմաստիճանը 26-27ºC է, ցերեկային ժամերին հասնում է 32-33ºC-ի։ Առավելագույնը հասել է 41ºC-ի։ Տևական են նաև աշունները։

Այստեղ աճում են զեյթուն, նուշ, նուռ, դեղձ, խաղող և այլ արևադարձային կուլտուրաներ:Կլիման մեղմ է, մերձարևադարձային ցանկացած կուլտուրա կարելի է աճեցնել, կան արքայանարնջի, դեղձի, խաղողի նորատունկ այգիներ։ Բերքն արտահանում են հիմնականում Վրաստան։

Դեբեդավանում Կառավարության աջակցությամբ կառուցվել է նոր մանկապարտեզ. տրամադրվել է նոր գույք։