Ենոքավան բնակավայրը գտնվում է Տավուշի մարզի Իջևան համայնքում՝ մարզկենտրոն Իջևանից մոտ 14 կմ հյուսիս-արևմուտք։ Բնակավայրը տեղակայված է անտառապատ լեռնային գոտում, Սառնաջուր գետի կիրճի հարևանությամբ, ծովի մակարդակից շուրջ 700–800 մ բարձրության վրա։
Վերջին տարիներին զբոսաշրջության զարգացման շնորհիվ բարեկարգվել են մի շարք ներհամայնքային հատվածներ և հյուրատնային ենթակառուցվածքներ։
Բնակչությունը հիմնականում զբաղվում է անասնապահությամբ, այգեգործությամբ, մեղվաբուծությամբ, զբոսաշրջային ծառայությունների մատուցմամբ։
Վերջին տարիներին Ենոքավանում ակտիվ զարգանում է էկոտուրիզմը։ Գյուղում գործում են հյուրատներ, արկածային զբոսաշրջության կենտրոններ, zipline և ձիարշավների ծառայություններ։
Բնակավայրում գործող տուրիստական օբյեկտներից է «Յելլ Էքստրիմ պարկ»-ը և Լաստիվեր վրանային վայրը։
Ենոքավանի շրջակայքում պահպանվել են պատմամշակութային մի շարք հուշարձաններ՝ միջնադարյան եկեղեցիներ, հնագույն քարայրներ, դամբարանադաշտեր, ցիկլոպյան ամրոցի մնացորդներ։ Գյուղի մոտակայքում գտնվում է Աստղի բլուր հնավայրը, որը թվագրվում է մ.թ.ա. VI–V դարերով։ Բնակավայրի գլխավոր զբոսաշրջային ուղղություններից է Լաստիվերը, որտեղ այցելուները կարող են իրականացնել արշավներ, ճամբարային հանգիստ և բնապահպանական տուրիզմ։
վարչական ղեկավար՝ +37494303042
