Զովաբեր բնակավայրը տեղակայված է Փամբակի լեռնաշղթայի հարավարևմտյան բազուկների ստորոտում, Հրազդան գետի վերին հոսանքի աջ ու ձախ ափերին։ Բնակավայրը գտնվում է ծովի մակերևույթից 1890 մ բարձրության վրա:Կլիման չափավոր ցամաքային է։ Բնակավայրի լանդշաֆտին բնորոշ են բարձրադիր սարահարթները։
Բնակավայրը գազաֆիկացված է, ներհամայնքային ճանապարները՝ բարեկարգ։
Բնակավայրում հիմնական զբաղվածությունը անասնապահությունն ու գյուղատնտեսությունն են: Անասնապահության ոլորտում տնտեսությունները առավելապես մասնագիտացված են կաթնային և կաթնամսային տավարաբուծությամբ, որոշ տնտեսություններ' զբաղվում են նաև ոչխարաբուծությամբ:
Բնակավայրում գործում է խոզաբուծական ֆերմա:
Դաշտավարության ոլորտում հիմնականում մշակվում է հացահատիկ, բազմամյա խոտ և կարտոֆիլ: Հիմնականում մշակում են կարտոֆիլ, լոբի, կաղամբ, վարունգ։
Զովաբերն ունի 473.92հա վարելահող, 230,67հա խոտհարք, 1825,04 հա արոտավայր։
Զովաբերում պահպանվել են 1871թ.-ին կառուցված Սուրբ Ստեփանոս եկեղեցին, Սուրբ Սանդուխտ, Թուխ մանուկ և Հագենց մատուռները։
վարչական ղեկավար՝ +37426161095
