Զույգաղբյուր գյուղը գտնվում է Հայաստանի Հանրապետության Շիրակի մարզի Աշոցքի տարածաշրջանում՝ մարզկենտրոն Գյումրիից 22 կմ հյուսիս, Քարախաչի լեռնանցքի արևմուտք կողմի լեռնալանջի ստորոտում։
Ունի աղբյուրներ, որոնք օգտագործվում են որպես խմելու ջուր: Ջրարբիացվել են գյուղի արոտավայրերը։ Գյուղին տրամադրվել է գյուղտեխնիկա։
Գյուղատնտեսության մասնագիտացման ուղղությունը անասնապահությունն է: Գյուղատնտեսական հողահանդակներում մեծ բաժին ունեն վարելահողերը (433 հա), խոտհարքերը (132 հա): Պետական հողերը գլխավորապես օգտագործվում են որպես վարելահողեր, արոտավայրեր, կազմելով համապատասխանաբար 97 և 795 հեկտար:
Զբաղվում են խոշոր եղջերավոր անասնապահությամբ, թռչնաբուծությամբ, մշակում են հացահատիկային, բանջարաբոստանային, կերային կուլտուրաներ:
Պատմամշակութային հուշարձաններն են.
Հին Զույգաղբյուր գյուղատեղիում, հարավ-արևելյան հատվածում է գտնվում քանդված եկեղեցի (18-19-րդ դարեր), իսկ գյուղից 1.5 կմ հարավ-արևմուտք գտնվում են Մեգալիթյան պարիսպ և դամբարանադաշտ (Ք.ա. 2-1-ին հազարամյակներ): Շրջակայքում կա մատուռ։
համայնքապետարան՝ +374 245 21482
վարչական ղեկավար՝ +374 98 534 253
էլ. հասցե՝ [email protected]
