Լեռնուտ

Բնակավայրը գտնվում է Շիրակի լեռների հարավային փեշերին։ Կլիման բարեխառն լեռնային է, ձմեռը տևական, հաստատուն ձնածածկույթով։ Բնակավայրը ծովի մակարդակից բարձր է 1830 մ: Լեռնուտում սուբվենցիոն ծրագրով հիմնանորոգվել է մանկապարտեզի շենքը/ ակումբի շենք/,  ավելացել են ցերեկային լուսավորության կետերը: Լեռնուտում ներկայիս մանկապարտեզի շենքը ծառայում է որպես դպրոց, գյուղապետարան, բուժկետ, այն ունի բոլոր հարմարությունները։ 

Սուբվենցիոն ծրագրի շրջանակներում նախատեսվում է գյուղի մոտ 4,7 կմ հատվածի ասֆալտապատում, դա  նոր առաջընթաց կհաղորդի գյուղական կյանքին: Կատարվել է խմելու ջրագծի ցանցի մասնակի  նորոգում։  Մասնագիտացված ուղղությունը  անասնապահություւնն է։ Բնակիչները զբաղվում են հացահատիկային, կերային կուլտուրաների, կարտոֆիլի մշակությամբ, անասնապահությամբ, մեղվաբուծությամբ։