Լոր

Գտնվում է Լորաձոր գետի ձախ ափին՝ ծովի մակարդակից 1630-1660 մետր բարձրության վրա։ Սիսիան քաղաքից հեռու է մոտ 13 կմ դեպի հարավ-արևելք։ Գյուղը մշտապես բնակեցված է եղել հայերով: Գյուղը հիշատակվում է միջին դարերից, հարուստ պատմական անցյալ ունի:

Գյուղամիջյան ճանապարհները  բարեկարգ են, ասֆալտապատ։ Գյուղում կա ՀԷԿ։ 

Գյուղի Սուրբ Հովհաննես հայտնի եկեղեցու հարևանությամբ հոսում է «կծու ջուր» բնական գազավորումով հանքային ջուրը։ Սյունիքի մարզի Դարբաս‚ Գետաթաղ‚ Լոր‚ Շենաթաղ համայնքներով անցնող շուրջ 13.7 կմ երկարությամբ ճանապարհը հիմնանորոգվել է «Կենսական նշանակության ճանապարհային ցանցի բարելավման ծրագրի» շրջանակում։

Լորը գրող Համո Սահյանի ծննդավայրն է։ Լորում է սովորել նաև Ակսել Բակունցը։