Խոտ

Գտնվում է Որոտան գետի ձախ կողմում՝ սարավանդի վրա, ծովի մակարդակից 1470 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից կազմում է մոտ 69 կմ։ Գյուղը Սյունիքի հնագույն բնակավայրերից է, այն Տաթև զբոսաշրջային կենտրոնի մեջ ներառված գյուղերից է: Վերջին մի քանի տարիներին գյուղում զբոսաշրջությունը զարգացնելու նպատակով փառատոն է անցկացվում, որի ընթացքում տեղական ապրանքի տոնավաճառ է կազմակերպվում։

Խոտ գյուղում բացվել է «Արմաթ» ինժեներական լաբորատորիա։  Ընթացքի մեջ են Խոտ-Որոտան ճանապարհի վերակառուցման աշխատանքները։ Գյուղի դաշտամիջյան ճանապարհները բարեկարգվել և հարթեցվել են։ Հին Խոտի տարածքում խոշոր զբոսաշրջային կենտրոն կկառուցվի: