Ծովակ

Գյուղում պահպանվել են 19-րդ դարի սուրբ Աստվածածին եկեղեցին, բազմաթիվ խաչքարեր, որոնցից 7-ը մի շարքի վրա են և կոչվում են Յոթ եղբայր (1013 թ.): Գյուղից 1,5 կմ հյուսիս-արևելք կա Ավերք գյուղատեղի (մջնդ.), արևմտյան մասում` Թուխ մանուկ մատուռ։ Շրջակայքում կա կիկլոպյան ամրոց-բնակավայր (մ.թ.ա. 1-ին հզմ.), Սարդուր II-ի սեպագիր արձանագրությունը (մ.թ.ա. 8-րդ դ.):

Գյուղում է հիմնադրվել նաև Ծովակի ամրոցը, Ք.ա. I հազարամյակի սկզբին: Ամրոցի տարածքում առկա են XI-XIX դդ. վերագրվող մշակութային շերտեր և մի շարք հուշարձաններ: Ամրոցն իր բնակատեղիով բավականին մեծ ու ընդարձակ է, զբաղեցնում է մոտ 3,5 քառակուսի կմ տարածություն։ Այն ներառում է 18 ենթահուշարձաններ, որոնցից գլխավորներն են 1718 թ. կառուցված եկեղեցին, խաչքարերը և քարայր-կացարանների համալիրը: