- դպրոց
- ակումբ
- բուժկետ
- վարչական ղեկավարի նստավայր
- կապի հանգույց
- մանկապարտեզ /նորակառույց/
Նկարագրութուն
Բնակավայրը տեղակայված է Փամբակի լեռնաշղթայի ստորոտում՝ քարքարոտ ձորում՝ ծովի մակարդակից 1570 մ բարձրության վրա։
Գյուղատնտեսության մասնագիտացման ուղղությունը երկրագործությունն է։ Կառուցված է Կառնուտի ջրամբարը։ Բնակչությունը զբաղվում է դաշտավարությամբ, անասնապահությամբ, պտղաբուծությամբ, թռչնաբուծությամբ, սեղանի ճակնդեղի և բանջարաբոստանային կուլտուրաների մշակությամբ։ Մշակում են հացահատիկային, բանջարաբոստանային, կերային կուլտուրաներ, պտուղներ։ 2024-2025 թ․թ․ Կառնուտում սուբվենցիոն ծրագրով իրականացվում են գազաֆիկացման աշխատանքներ, ինչի արդյունքում բնակչությունը կստանա բնական գազից օգտվելու հնարավորություն, ամենայն հավանականությամբ կգործարկվեն արտադրական և հասարակական օբյեկտներ։
Կառնուտում, կրկին սուբվենցիոն ծրագրով, կառուցվել է մանկապարտեզ՝ համալրված նոր գույքով: Այն ունի բոլոր հարմարությունները, ինչպես նաև՝ ապաստարան։ Կառնուտը հիմնականում ունի շուրջօրյա ջրամատակարարում, իսկ ամռան սակավաջուր ամիսներին խմելու ջուրը բացակայում է օրվա ընթացքում մի քանի ժամով։
Կառնուտի շրջակայքը հարուստ է բազալտի հանքերով։ Կառնուտում գործում են երկու-երեք քարի վերամշակման և խճաքարի արդյունահանման ձեռնարկություններ, որոնք գյուղի և շրջակա բնակիչներին ապահովում են աշխատատեղով։