Հովտուն

Գտնվում է Ամասիա գյուղից 3 կմ հյուսիս-արևելք: Գյուղը տեղակայված է Ախուրյան գետի ձախափնյա հովտում, Եղնախաղի լեռնազանգվածի արևելյան ստորոտում` ծովի մակարդակից 2000 մ բարձրության վրա:

Ունի սառնորակ աղբյուրներ, որոնք օգտագործվում են որպես խմելու ջուր: Գյուղի արոտավայրերը ջրարբիացվել են։ Կենդանիների համար տեղադրվել են խմոցներ, որոնք էականորեն կնպաստեն անասնաբուծության զարգացմանը։ Կառավարության սուբվենցիոն ծրագրով Հովտունում նոր դպրոց է կառուցվել։ Գյուղին տրամադրվել է գյուղտեխնիկա։

Զբաղվում են դաշտավարությամբ, հացահատիկային, կերային կուլտուրաների մշակությամբ, խոշոր եղջերավոր անասնաբուծությամբ, թռչնաբուծությամբ: