Մարտիրոս գյուղը գտնվում է Հայաստանի Վայոց Ձորի մարզում, Վայքի լեռների հյուսիսային լանջին, մարզկենտրոնից 31 կմ
հարավ-արևելք։ Գյուղը բաղկացած է հին և նոր բնակավայրերից, գտնվում է Գոգի լեռան ստորոտում, ծովի մակարդակից 2000 մ բարձրության վրա։ Կլիման մեղմ է։
Գյուղն ապահովված է ոռոգման, խմելու ջրերով։ Գյուղ մտնող ճանապարհը ասֆալտապատ է, Մարտիրոսը լուսավորված է LED լամպերով։
Բնակչությունը հիմնականում զբաղվում է գյուղատնտեսությամբ և անասնապահությամբ։
Մարտիրոսն իր ավելի քան 700 տարվա պամության ընթացքում թողել է բազմաթիվ պատմական ու մշակութային արժեքներ։ Գյուղի ամենանշանավոր ճարտարապետական հնությունը 13-րդ դարի վիմափոր Սուրբ Աստվածածին վանքն է, որը գտնվում է գյուղից 2,5 կմ հարավ-արևելք, Նզար սարի ստորին հատվածում, որտեղից սկիզբ են առնում սառնորակ աղբյուրներ։
Վանքն ամբողջությամբ կերտված է Նզար սարի ներսում, ստորգետնյա լեռան մեջ։ Վիմափոր եկեղեցին Գեղարդից հետո ամենանշանավոր և խոշոր ժայռափոր ճարտարապետական համալիրն է Հայաստանում, իսկ ներքին հնչեղությամբ այն առաջինն է հայ եկեղեցական շինարարության մեջ` իր կառուցողական բարձր արվեստով։
վարչական ղեկավար՝ +374 77 023 955
համայնքապետարան՝ +374-98992894
