- դպրոցներ,
- երաժշտական դպրոց,
- քոլեջ,
- նախակրթարան,
- մշակույթի պալատ,
- բանկեր,
- Գեղագիտության ազգային կենտրոնի Մեղրիի մասնաճյուղ,
- քաղաքային մարզադաշտ՝ իր բացօթյա լողավազանով,
- ռեստորանային համալիրներ,
- արվեստի մանկական դպրոց,
- գրադարանային համակարգ,
- Երևանի գեղագիտական դաստիարակության կենտրոնի Մեղրիի մասնաճյուղը, որի շենքում տեղակայված է նաև թանգարան,
- Մեղրու տարածաշրջանային բժշկական կենտրոն։
Նկարագրութուն
Մեղրին գտնվում է Հայաստանի Հանրապետության հարավ-արևելյան տարածքում։ Մեղրիի միջով է հոսում նույնանուն գետը: Այն Սյունիքի մարզի հարավային սահմանապահ քաղաքներից է, որը տարածված է Մեղրի գետի աջ և ձախ ափերին, որոնք կոչվում են Մեծ և Փոքր թաղեր։ Քաղաքը պետական սահմանով և մայր Արաքս գետով բաժանվում է Իրանի Իսլամական Հանրապետությունից։ Այստեղով է անցնում նաև Իրան-Հայաստան գազատարը:
Քաղաքի կլիման չոր և մերձարևադարձային է։ Այստեղից է սկսվում Հայաստանի գարունը, իսկ աշունը ամենաուշն է հրաժեշտ տալիս։ Ամառն այստեղ շոգ է, իսկ ձմեռը` ոչ ձյունառատ։ Երբեմնի գյուղ էր, հետո ավան: Մեղրի բնակավայրը 1984 թվականից է ստացել քաղաքի կարգավիճակ։
Այստեղ աճում են անուշաբույր և քաղցրահամ մրգեր։ Վերջին տարիներին թուզ, նուռ, սերկևիլ, խաղող, դեղձ մրգատեսակներին ավելացել են մերձարևադարձային կուլտուրաներ` արքայանարինջ, կիվի, զեյթուն և այլն։
Մեղրի ժամանած հյուրերը կարող են հյուրընկալվել կահավորված և բոլոր հարմարություններով մասնավոր տներում, ճաշակել հայկական խոհանոցի համեղ ուտեստներ։ Առաջիկայում կկառուցվի հիվանդանոցի նոր տիպային շենք։ Կառուցվում է ագրոշուկան և կայանատեղին, վերանորոգվում է քաղաքային զբոսայգին և մանկապարտեզը։ Մեղրիում լուծված է նաև ջրի հարցը։
Կառավարությանն սուբվենցիոն ծրագրով լուծվել է տրասնպորտի խնդիրը։ Լուծվել է գազաֆիկացման հարցը։ Մեղրիում ջրավազաններ են կառուցվել, նախատեսվում է ջրամբար կառուցել։
Մեղրիի մշակութային կյանքի, կենցաղավարության վրա մեծ ազդեցություն է թողել Ագուլիսի սոցիալ-մշակութային կյանքը։ Հեռախոսային և ինտերնետային կապերը գործում են առանց խնդիրների։
Այստեղ ստեղծվել է «Արևիկ» դպրոցը, որն արտադպրոցական ծառայություն է մատուցում տարածաշրջանի բոլոր երեխաներին։