Նոր Ազնաբերդ

Գյուղը գտնվում է մարզկենտրոնից 42 կմ հարավ-արևելք, ծովի մակարդակից բարձր է 1630 մ։ Գյուղի միջով անցնում են Ճահուկ և Լվիս կոչվող գետակները։ Մեղմ կլիման բարենպաստ նախադրյալներ է ստեղծում գյուղատնտեսությամբ զբաղվող բնակչության համար․ ջերմությունն ու տեղումները բավարար քանակի են։ Բնակավայրը հարուստ է տարբեր բուսատեսակներով, որոնք օգտագործվում են տարբեր հիվանդությունների բուժման, կանխարգելման և այլ դեղերի ստացման նպատակով։

Գյուղն ամբողջությամբ լուսավորված է։ Ճանապարհն ասֆալտապատ է, ոռոգման, խմելու ջրի խնդիր գյուղում չկա։ Երեխաների՝ մանկապարտեզ և դպրոց /Խնձորուտ բնակավայր/ հաճախելու գործընթացն իրականացվում է Վայքի համայնքապետարանի միջոցներով։ Բնակավայրում կապի և հեռահաղորդակցության խնդիր չկա։