- դպրոց,
- մանկապարտեզ,
- փոստի բաժանմունք,
- բուժկետ,
- մշակույթի տուն,
- գրադարան,
- գյուղապետարան։
Նկարագրութուն
Չինարին գտնվում է ՀՀ պետական սահմանից 1.5 կմ հեռավորության վրա, ծովի մակարդակից բարձր է 750 մ։ Որպես առանձին բնակավայր հիշատակվում է 1880 թվականից։ Գյուղը գտնվում է կլիմայական մերձարևադարձային գոտում:
Գյուղն ամբողջությամբ գազաֆիկացված է, լուծված է խմելու, ոռոգման ջրի հարցը։ Կառուցվել է խմելու ջրի պոմպակայան ու ջրագիծ։ Ճանապարհների վիճակը՝ բավարար։ Ապահովված է տրանսպորտով՝ դեպի շրջկենտրոն, լուսավորությամբ, սուբվենցիոն ծրագրի շնորհիվ ձեռք է բերվել գյուղտեխնիկա։ Գյուղում ֆուտբոլի դաշտ է կառուցվել:Գյուղն ունի առանձնացված հանգստյան գոտի՝ լողավազանով, անվճար հանգիստ է կազմակերպվում բնակիչների համար։
Գյուղում հիմնվել են թզի պլանտացիաներ, կա նաև արքայանարինջ, բերքը մթերում են նաև Ռուսաստան։
Չինարիում հիմնվել է հատուկ հիմնադրամ, որի միջոցով ներդրումներ են արվում գյուղում: Պլանավորվում է նոր մանկապարտեզ բացել։ Այստեղ հին բուժկետում ատամնաբուժական սենյակ է բացվել․ Երևանից առաջատար մասնագետները մեկնում են գյուղ։