- դպրոց,
- մանկապարտեզ,
- համայնքային կենտրոն ,
- գյուղապետարան,
- ակումբ,
- գրադարան,
- բուժկայան,
- կապի բաժանմունք:
Նկարագրութուն
Պտղավան գյուղը գտնվում է Նոյեմբերյան քաղաքից 23 կմ հյուսիս-արևմուտք, Դեբեդ գետի աջ ափին, ծովի մակարդակից 450 մ բարձրության վրա, Ձորագետի հարթավայրում։ Տարածքը հարթավայրային է, համարվում է ՀՀ ամենացածրադիր ու ամենատաք վայրերից մեկը։
Ունի չոր մերձարևադարձային կլիմա։ Ձմեռը մեղմ է, կարճատև։ Հունվարյան միջին ջերմաստիճանը մոտ է 1ºC-ին։ Գարունը վաղ է գալիս և կարճատև է։ Տաք ու չորային է ամառը, տևական։ Ունի արգավանդ հողեր։
Պտղավանը որպես բնակավայր հիմնվել է 1948 թվականից։ Պտղավանում օրերն ակտիվ են։ Այս գյուղը շատ մոտ սահման ունի Վրաստանի հետ. մաքսակետից մեկ կիլոմետր է հեռու։
Թե՛ գյուղամիջյան, թե՛ դաշտամիջյան ճանապարհները խճապատվել են, ոռոգման ջուր էլ կա։ Բնակավայրում կա բարեկարգված դպրոց, իսկ մանկապարտեզը վերանորոգման փուլում է։ Գյուղն ունի իր ֆուտբոլի դաշտը։
Հայտնի է նաև իր բերրի այգիներով։ Գյուղացիները բերքը իրացնում են նաև Երևան-Թբիլիսի ավտոճանապարհին։