Ջաջուռ

Բնակավայրը գտնվում  է Շիրակի լեռնաշղթայի արևմտյան հատվածում՝ ծովի մակարդակից 1700 մ բարձրության վրա։ Ունի ցուրտ կլիմա, սակավ տեղումներ։ Ջաջուռում գործում է միջնակարգ դպրոց, մանկապարտեզ, ամբուլատորիա, թանգարան։ Գյուղն ունի շուրջորյա ջրամատակարարում, տնամերձ հողերը ոռոգվող են։

Սուբվենցիոն ծրագրի շրջանակում նախատեսված է գյուղում կառուցել նոր մանկապարտեզ, գազաֆիկացնել։ 

Գյուղատնտեսական մասնագիտացված ուղղությունը երկրագործությունն է։  Բնակիչները հիմնականում զբաղվում են պտղաբուծությամբ, հացահատիկային, բանջարաբոստանային, կերային կուլտուրաների, կարտոֆիլի մշակությամբ, անասնապահությամբ, մեղվաբուծությամբ։