Գտնվում է Որոտան գետի ձախ կողմում` սարահարթին, ծովի մակարդակից մոտ 2100 մ բարձրության վրա։ Սիսիան քաղաքից հեռու է մոտ 18 կմ դեպի հյուսիս-արևմուտք: Տեղակայված է Երևան-Գորիս ավտոմայրուղու վրա։
Սյունիքի հին գյուղերից է։
Տարածքը հայտնի է փոքրիկ վաճառակետերով՝ հիմնականում ուտելի բույսերով և խոտաբույսերով։
Գյուղատնտեսական գործունեության հիմնական ուղղություններն են անասնապահությունը և դաշտավարութունը:
Հողեր (ընդամենը)` 12051 հա, այդ թվում`
-գյուղատնտեսական նշանակության հողեր` 11649 հա, որից՝
-վարելահող` 1008 հա,
-խոտհարք` 365 հա,
-արոտ` 6069 հա,
-այլ հողատեսք` 4207 հա:
Գյուղի պատմական հուշարձանների թվում ինքնատիպ են ժայռապատկերները (8-7-րդ դար մ․թ․ա․), ինչը լավագույն ապացույցն է, որ տարածքը բնակեցված է եղել դեռևս հնադարյան մարդու կողմից։ Ժայռանկարների վրա պատկերված է Հայաստանի ֆաունայի ողջ հարստությունը։ 1945 թվականին հայտնաբերվել է նաև Սառնակունքի գանձը. հնագույն դրամների գանձ հավաքածուի մեջ կան Տիգրան Մեծի և Արտավազդ Բ-ի ժամանակների դրամներ։
համայնքապետարան՝ +374 28 362 266
