Սրաշենը Հայաստանի Հանրապետության գեղատեսիլ գյուղերից է, գտնվում է Կապանից 14 կմ հարավ-արևելք, ծովի մակարդակից բարձր է 980-1060 մ։ Գյուղը վաղուց հայտնի է իր պտղատու այգիներով: Գյուղն ունի 28 տնտեսություն։
Կառավարության աջակցությամբ Սրաշենում գյուղատնտեսական կոոպերատիվ կստեղծվի։ Կառավարությունը աջակցում է գյուղտեխնիկայով, շուտով ամբողջությամբ կլուծվի ոռոգման ջրի հարցը։ Արևային ջրատաքացուցիչներ են տեղադրվել։
Բնակչությունը զբաղվում է անասնապահությամբ, ծխախոտագործությամբ և պտղաբուծությամբ։
Բնակավայրում կա՝
Սրաշենում կան դամբարանադաշտեր, գյուղատեղի, խաչքար, միջնադարյան գյուղատեղի Սղնաշենը (Սխնախատեղ) գտնվում է գյուղից 2 կմ հս-արմ: Պահպանվել են ավերակները: Գյուղում կան նաև Սրաշենի միջնադարյան ամրոցի ավերակներ, ջրաղաց (Բաբուն ճեղաց՝ Շիկահող գետի վրա), Սբ. Հռիփսիմե եկեղեցի՝ 17-րդ դար ⟨գտնվում է գյուղի եզրին⟩, Երկրորդ աշխարհամարտում զոհված համագյուղացիների հուշարձան 1967 թ. ⟨գտնվում է գյուղամեջում, եկեղեցու մոտ⟩, խաչքար։
Սրաշենի բնության հուշարձանները՝ գետ, ավերաձոր, ղաժաղբյուր, հոտած աղբյուր, աղիաղբյուր (Շոռաղբյուր), հանքային ջուր ⟨Շիկահող գետի աջ ափին, Սրաշեն գյուղի սահմանում⟩, Հաճարկուտ:
