Վարդանիձորը գտնվում է Մեղրի գետի ձախ ափին՝ ծովի մակարդակից 1040-1140 մ բարձրության վրա, հին գյուղ է։ Վարդանիձորն ունի տաք ու մեղմ բնակլիմայական պայմաններ, հարմարավետ վայր է ակտիվ հանգստի համար:
Կառուցված է գյուղի ներքին ջրագիծը, ջրատարը։ Նոր մանկապարտեզ է կառուցվել, ավարտվել են մանկապարտեզ և դպրոց տանող ներբնակավայրային ճանապարհի կառուցման աշխատանքները։ Կատարվել են նաև բնակավայրերի ոռոգման համակարգի վերականգնման աշխատանքները:
Գյուղատնտեսական գործունեության հիմնական ուղղություններն են անասնապահությունը և դաշտավարությունը։
Գյուղատնտեսական գործունեության հիմնական ուղղություններն են`
Հողեր (ընդամենը)` 9312 հա, այդ թվում`
- gյուղատնտեսական նշանակության հողեր` 5176 հա, որից`
- վարելահող` 125 հա, բազմամյա տնկարկ` 4 հա, խոտհարք` 12 հա, արոտ`1468 հա, այլ
հողատեսք`3567 հա,
- բնակավայրերի հողեր` 54 հա,
- արդյունաբերության, ընդերքօգտագործման և այլ արտադրական նշանակության հողեր` 20 հա,
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`16 հա,
- հատուկ պահպանվող տարածքների հողեր` 4002 հա,
- անտառային հողեր` 36 հա, որից անտառածածկ` 1 հա,
- ջրային հողեր` 7 հա:
Գյուղի տարածքում են գտնվում մ.թ.ա. 1-ին հազարամյակից մինչև միջնադար գործող ամրոցի ավերակներ, որտեղ կան նաև խաչքարեր, մասնավորապես 1651 թ․ կանգնեցված Խաթունի և 1551 թ. Միքայելի խաչքարերը, ինչպես նաև մ.թ.ա. 1-ին հազարամյակից մինչև միջնադար գործող հանքախորշերը:
Կա 17-րդ դարի անանուն եկեղեցի, մի շարք գյուղատեղիներ՝ Փուշկագ, Խումարան, Լսավանք, Տերտերասար։ Գյուղի պատմական հուշարձաններից է համարվում նաև Թխկուտի եկեղեցին։ Գյուղից քիչ հեռու կա կամուրջ, որը վերագրվում է 17-րդ դարին:
վարչական ղեկավար`+374 98 792 090
համայնքապետարան՝
