Փանիկ

Բնակավայրը գտնվում է Մանթաշի ձորահովտի և Շիրակի դաշտի միացման վայրում, Մանթաշ գետակի ձախափնյա արգավանդ դաշտում։ Կլիման բարեխառն է։ Փանիկն ունի միջնակարգ դպրոց, բուժկետ, կապի հանգույց։ 

Փանիկն ունի մշակույթի տուն, որն ընդգրկված է պատմամշակութային հուշարձանների ցանկում: Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները՝ հեշտ հասանելի։ 

Անասնապահության հիմնական ճյուղերն են՝ կաթնային և մսային տավարաբուծությունը, խոզաբուծությունը և ոչխարաբուծությունը։ Բնակիչները նաև զբաղվում են այգեգործությամբ և մեղվաբուծությամբ։ Գյուղում կան սպասարկման ոլորտի օբյեկտներ, խանութներ, հանդիսությունների տուն։