Փոքր Մանթաշ

Բնակավայրը գտնվում է Մանթաշ գետի ձախափնյա սարավանդում` ծովի մակարդակից 1960մ բարձրության վրա: Կիման ցուրտ լեռնային է։  Գյուղի տարածքում կա հանքային աղբյուր: 

Փոքր Մանթաշն ունի միջնակարգ դպրոց, բուժկետ, կապի հանգույց։ Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները՝ հեշտ հասանելի։ 

Անասնապահության հիմնական ճյուղերն են՝ կաթնային և մսային տավարաբուծությունը, խոզաբուծությունը և ոչխարաբուծությունը։ Առկա են մեղվաբուծության զարգացման հեռանկարներ։ Գյուղում կան սպասարկման ոլորտի օբյեկտներ, խանութներ։