Քեթի գյուղը գտնվում է Երևան-Գյումրի-Վրաստան միջպետական ավտոճանապարհի վրա, ծովի մակարդակից 1750 մ բարձրության վրա:
Համայնքը համալրվել է նոր ճանապարհային բազմաֆունկցիոնալ տեխնիկայով։ Կառավարության աջակցությամբ՝ այստեղ կառուցվել է նոր մանկապարտեզ, որին տրամադրվել է նաև նոր գույք։
Բնակչության հիմնական զբաղմունքը անասնապահությունն ու հողագործությունն է՝ ցորենի, գարու, առվույտի, կարտոֆիլի, կաղամբի, բանջարաբոստանային կուլտուրաների և մրգերի արտադրությունը։
Համայնքի վարչական տարածքը կազմում է 1753.05 հա, որից՝
-գյուղատնտեսական նշանակության հողեր են 1540.5 հա, այդ թվում՝
- 668.0 հա վարելահող,
- 719.47 հա արոտ,
- 130.32 հա գյուղատնտեսական այլ հողատեսքեր:
Բնակավայրը հարուստ է բերրի վարելահողերով, մարգագետնային արոտներով։
Մ.թ.ա. III-II հազարամյակների կիկլոպյան ամրոցի, դամբարանադաշտերի և բնակատեղիների, V-XIX դարերի և XII-XX դարերի եկեղեցիների և մատուռների հետքերը վկայում են, որ որպես բնակատեղի գյուղը հազարամյա պատմություն ունի։
Պեղումների ժամանակ հայտնաբերվել են հնագիտական բարձրարժեք դրածոներ, որոնք պահպանվում են տարբեր թանգարաններում։ Գյուղից 2 կմ հյուսիս-արևմուտք Քարոտ հողեր հանդամասում հայտնաբերվել է դամբարանադաշտ։ Այստեղ է գտնվում մ.թ.ա. X-IV դարերի Զորանոց ամրոցը, 3-րդ հազարամյակի ամրոց՝ Սղնախը, շրջակայքում կան 19-րդ դարի ձիթհան, կամուրջ։
վարչական ղեկավար`+374 77 677 601
համայնքապետարան՝
