Աջակցության այլ ծրագրեր

ԼՂ-ից տեղահանված անձանց տրամադրվում է սոցիալական աջակցություն՝ ամսական 40+10 հազարական դրամ՝ կեցության և այլ ծախսերը հոգալու նպատակով:

Ծրագիրը կաջակցի Լեռնային Ղարաբաղից բռնի տեղահանված անձանց ձեռք բերել ինչպես մասնագիտական հմտություններ և կարողություններ, այնպես էլ աշխատանքային փորձ և աշխատանք։

Ծրագրի շրջանակում առաջարկվում է  3 հնարավորություն․

• Հնարավորություն 1․ «Մասնագիտական ուսուցում և աշխատանքի տեղավորում», 
• Հնարավորություն  2․ «Աշխատանքային փորձի ձեռքբերում և աշխատանքի տեղավորում»,
• Հնարավորություն  3․ «Մասնագիտական ուսուցում, վճարվող աշխատանքային պրակտիկա և աշխատանքի տեղավորում»։

ՀՀ-ում կենսաթոշակ ստանալու համար կարող են դիմել նրանք, ովքեր ԼՂ-ում ստանում էին կենսաթոշակ՝ այդ թվում՝ աշխատանքային, հաշմանդամության, զինվորական, սոցիալական։

Ծրագրի շրջանակում ԼՂ առանձին շրջաններից տեղահանված ընտանիքները կարող են ձեռք բերել, կառուցել և վերակառուցել իրենց սեփական տունը։ Միասնական սոցիալական ծառայության հետ համագործակցող բանկից կամ վարկային կազմակերպությունից հիփոթեքային վարկ ստանալու դեպքում պետությունը հավաստագրի միջոցով իրականացնում է մայր գումարի և տոկոսագումարի սուբսիդավորում՝ վարկային ժամանակացույցին համապատասխան։