Բնակավայրեր

Փոքր Սարիար գյուղը գտնվում է Բազումի լեռնաշղթայի արևմտյան լանջին, ծովի մակարդակից 1970 մ բարձրության վրա: 

Գյուղի կենտրոնում կա աղբյուր, ոչ հեռու կառուցվել է մատուռ։ Փոքր Սարիարում կան անհատ ձեռներեցներ, այստեղ գործում է հացաբուլկեղենի արտադրամաս։ Գործելու է նաև ժամանցային կենտրոն։ Գյուղին տրամադրվել է գյուղտեխնիկա։

Փոքր Սեպասար գյուղը գտնվում է Հայաստանի Շիրակի մարզի Աշոցքի տարածաշրջանում, մարզկենտրոն Գյումրիից մոտ 23 կմ հյուսիս՝ Ախուրյան գետի աջ ափին։

Բնակչությունը զբաղվում է անասնապահությամբ, հացահատիկի և կերային կուլտուրաների մշակությամբ։

Փոքրաշեն գյուղը գտնվում է մարզկենտրոն Գյումրիից 8 կմ հյուսիս։ Կլիման բարեխառն լեռնային է, ձմեռը տևական, հաստատուն ձնածածկույթով:Ամառը տաք է, համեմատաբար խոնավ:

Գյուղում լուծվել է ջրի հարցը։ Ամբողջովին բարեկարգվել են ճանապարհները։ Երիտասարդների ժամանցն ապահովելու համար առանձին շենք է կառուցվել։ Տրամադրվել է գյուղտեխնիկա։

Գյուղաբնակները հիմնականում զբաղվում են կաթնամսատու անասնապահությամբ, հացահատիկային, կերային կուլտուրաների, կարտոֆիլի մշակությամբ: Գյուղն ունի մարգագետնային արոտներ, էկո տուրիզմի զարգացման հնարավորություն, միջպետական ճանապարհին մոտ տեղադիրք։

Քաղսի բնակավայրը տեղակայված է ծովի մակերևույթից 1700-1750 մ բարձրության վրա: Հյուսիսի սահմանագիծը Ծաղկունյաց լեռնաշղթան է: Կլիման չափավոր ցամաքային, ձմեռը երկարատև, կայուն ձնածածկույթով, ամռանը մեղմ և զով: Տարածքում տիրապետում են տափաստանային բուսածածկույթով լեռնային սևահողերը:

Գյուղի միջով են անցնում Հրազդան-Սևան, Հրազդան-Աշտարակ մայրուղիները, Սևան-Երևան երկաթգիծը և Հրազդան գետը: 

Բնակավայրը գազաֆիկացված է։ Գյուղի փողոցները բարեկարգ են, ունեն գիշերային լուսավորության համակարգ։

Գտնվում է Որոտան գետի աջափնյակում, Բարգուշատի լեռնաշղթայի ճյուղավորություններից` Մալդաշի լանջին` ծովի մակարդակից 1850 մ բարձրության վրա: Քաշունի գյուղում մեծ թափով ճանապարհաշինություն է իրականացվել։  

Գարնանն ու ամռանը գյուղը համեմատաբար ակտիվանում է, մարդիկ զբաղվում են իրենց տնտեսությամբ, նաև մեղվափեթակներն են բերում։ Գյուղի դաշտամիջյան ճանապարհները բարեկարգվել և հարթեցվել են։ Քաշունին ջրի, արոտավայրերի խնդիր չունի։

Քաջարան քաղաքը հիմնադրվել է 1958 թ.։ Քաղաքի տարածքը սահմանակից է արևմուտքում Քաջարանց, իսկ արևելքում Լեռնաձոր գյուղերին:

Քաջարանում սուբվենցիոն ծրագրի շրջանակում վերակառուցվում են պուրակներ, մարզահրապարակ և խաղահրապարակ:  Քաջարանից Ագարակ հատվածում կառուցվում է 32 կմ հատվածով ճանապարհը։

Քաջարանցի վարչական տարածքը կազմում է 11900 հա։ Սահմանակից է Քաջարան քաղաքին, Լեռնաձոր, Գեղի, Նոր Աստղաբերդ և Տաշտուն գյուղական համայնքներին, արևմուտքում՝ պետական սահմանին։

Համայնքների ենթակառուցվածքների զարգացմանն ուղղված սուբվենցիոն ծրագրով այստեղ նախատեսվում է ճանապարհների ամբողջական հիմնանորոգում։ Գյուղն ապահովված է արտաքին լուսավորությամբ։

Քարաբերդ բնակավայրը տեղակայված է Փամբակ համայնքից 5 կմ դեպի հյուսիս-արևմուտք, ծովի մակարդակից բարձր է 1530 մ:

Փամբակ համայնքից մինչև բնակավայր տանող ճանապարհը գրունտային է, գյուղում ամբողջությամբ անցկացված է գիշերային լուսավորության ցանց: 

Բնակավայրը գտնվում է Արագած սարի արևմտյան ստորոտում ծովի մակերևույթից շուրջ 1700 մետր բարձրության վրա: Բնակչության հիմնական զբաղմունքը եղել և մնում է հողագործությունն ու անասնապահությունը: Առանձին տնտեսություններ զբաղվում են թռչնաբուծությամբ, մեղվապահությամբ և բանջարաբոստանային կուլտուրաների մշակությամբ:

Քարագլուխ գյուղը գտնվում է Վարդենիսի լեռնաշղթայի հարավային լանջին, Եղեգնաձորից ուղիղ գծով 15,9 կմ հյուսիս-արևմուտք, ծովի մակերևույթից 1650 մ բարձրության վրա։

Շեն գյուղ է։ Ապահովված է ոռոգման և խմելու ջրով, էլեկտրամատակարարմամբ։ Առկա է ջրահեռացման համակարգ, արտաքին լուսավորություն։ Քարագլուխ բնակավայրում գործում է հասարարակական տրանսպորտ, Բնակավայրում կապի և հեռահաղորդակցության խնդիր չկա։

Փողոցներն ասֆալտապատ են։ Գյուղում է գտնվում հայտնի Քարագլուխ եռահարկ ջրվեժը։

Քարահունջը գտնվում է ծովի մակարդակից 1200-1300 մ բարձրության, Կապանից 77 կմ հեռավորության վրա։

Ներառված է սոցիալական աջակցություն ստացող սահմանամերձ համայնքների ցանկում՝ գույքահարկ ու հողի հարկ չեն վճարում, գազի, հոսանքի ու խմելու ջրի դիմաց վճարում են գումարի 50 տոկոսը, դպրոցականներն անվճար դասագրքեր են ստանում։

Գյուղում լուծված է լուսավորության հարցը, ճանապարհները բարեկարգ են, գյուղը գազիֆիկացված է։ Կառավարության սուբվենցիոն ծրագրով բարեկարգվել են մշակույթի կենտրոնն ու գրադարանը։ Այստեղ բացվել է նաև մանկական կենտրոն։  Քարահունջի այգիներ տանող ճանապարհները հարթեցվել են՝ աջակցելով գյուղատնտեսությամբ զբաղվող բնակիչներին։

Քարաձոր բնակավայրը գտնվում է Սպիտակ քաղաքից մոտ 2 կմ հյուսիս-արևելք: Բնակավայրը տեղակայված է Քարաձոր գետի ափին՝ ծովի մակերևույթից 1550մ բարձրության վրա, Փամբակ-Բազում լեռնաշղթայի ստորոտում։ Գյուղի ռելիեֆը լեռնային է, կլիման՝ բարեխառն: 

Բնակավայրը անտառամերձ է, ինչի շնորհիվ էլ ունի խմելու և ոռոգման ջրի հարուստ պաշարներ: Գյուղ մտնող և նրա կենտրոնով անցնող գլխավոր ճանապարհն ամբողջովին ասֆալտապատ է: Առկա է փողոցների գիշերային լուսավորության համակարգ: