Բնակավայրեր

Վ. Կարմիրաղբյուրը տեղակայված է Բերդ քաղաքից 2 կմ դեպի արևելք, հարևանությամբ գտնվում են Նորաշեն, Չորաթան և Այգեպար գյուղերը։ Գտնվում է բարեխառն գոտում։ 

Գյուղը էլեկտրաֆիկացված է, գազաֆիկացված, կառուցված են ճանապարհներ, ապահովված է խմելու և ոռոգման ջրով, ապահովված է տրանսպորտով՝ դեպի շրջկենտրոն, լուսավորությամբ, սուբվենցիոն ծրագրի շնորհիվ ձեռք է բերվել գյուղտեխնիկա։ 

Վերին Շորժա բնակավայրը տեղակայված է Գեղարքունիքի մարզի հարավ-արևելքում։

Ընդգրկված է փոխհատուցում ստացող բնակավայրերի ցանկում։ Բարեկարգվել է դեպի գյուղ տանող ճանապարհը։ 

Բնակավայրը գտնվում է Հայաստանի Արագածոտնի մարզում, մարզկենտրոնից՝ 41 կմ հյուսիս-արևմուտք։ Կարակովմաս Վերին անվանումով ընդգրկված է եղել Երևանի նահանգի Էջմիածնի գավառում։ Բնակչությունը զբաղվում է անասնապահությամբ և դաշտավարությամբ։

Վերիշեն գյուղը գտնվում է Կապանից 84 կմ հեռավորության վրա: Բարձրությունը ծովի մակարդակից՝ 1540-1620 մ։ Վերիշենը Գորիսի «վարպետաց գյուղն» է՝ արվեստանոցը։ 

Այստեղ սուբվենցիոն ծրագրով վերանորոգվել է արվեստների կենտրոնը, բարեկարգվել է հարակից այգին, կատարվել է նաև ճանապարհների ասֆալտապատում։ Կառուցվել է կամուրջը, լուծվել է լուսավորության հարցը, նոր մանկական զարգացման կենտրոն է հիմնվել՝ վերանորոգված և կահավորված:

Վերնաշեն բնակավայրը գտնվում է ՀՀ Վայոց ձոր մարզում, Եղեգնաձոր համայնքի հյուսիս-արևելյան մասում, ծովի մակարդակից բարձրությունը 1450մ է: Սահմանակից է Գլաձոր, Մալիշկա, Գողթանիկ բնակավայրերին: Բնակավայրի կլիման ցամաքային է, աչքի է ընկնում ձմռան մեղմ ցրտով, երկարատև ու խոնավ գարունով և երկարատև ու շոգ ամառով: Բնակավայրի կլիման նպաստավոր է խաղողագործության զարգացման համար, որի շնորհիվ ծաղկում է ապրում գինեգործությունը։

Բնակավայրը գազաֆիկացված է:

Գտնվում է Որոտան գետի աջ կողմում` բարձրադիր սարահարթի վրա, ծովի մակարդակից 1560-1660 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից կազմում է մոտ 50 կմ։ Հայաստանի հնագույն բնակավայրերից է, նշանավոր է Տաթևի վանական համալիրով, Տաթևի ճոպանուղով։

Աղվանի-Տաթև նոր ճանապարհի կառուցման աշխատանքներն ընթացքի մեջ են։ Տաթևն ունի նաև իր ջրամբարը։

Տանձավեր գյուղը գտնվում է Քաշունի գետի հովտում՝ ծովի մակարդակից 1650 մ բարձրության վրա, մոտ է Տաթևին ու Կապանին։ Կապանի ամենահին գյուղերից մեկն է։ Գյուղը հարմար է հանգստի, արկածախնդիր ճանապարհորդների համար: 

Տանձավերի բացառիկ վայրերից է Կախարդական անտառը: Այն արվեստի և բնության առաջին թանգարանն է Հայաստանում։

Գտնվում է Տաթև գետի ձորակում՝ ծովի մակարդակից 1360-1380 մ բարձրության վրա։ Տանձատափն ունի հիմնանորոգված համայնքային կենտրոն ու դպրոց։

Տաշիր քաղաքը տեղակայված է Լոռու մարզում, Երևան — Թբիլիսի ավտոճանապարհի վրա՝ հարթավայրում, ծովի մակարդակից 1500 մ բարձրության վրա։ Կլիման բարեխառն է։

Քաղաքի փողոցներն ասֆալտապատ են, բակերը բարեկարգ, փողոցներում անցկացված է լուսավորության համակարգ։ Գազաֆիկացված է։

Տաշտունը գտնվում է Հայաստանի Սյունիքի մարզի Մեղրի համայնքում՝ Տաշտուն գետի հովտում՝ ծովի մակարդակից 1900-2000 մ բարձրության վրա։

Հեռավորությունը Սյունիքի մարզի մարզկենտրոն Կապան քաղաքից ճանապարհով կազմում է մոտ 55 կմ, իսկ Մեղրի քաղաքից հեռու է մոտ 19-20 կմ դեպի հյուսիս-արևմուտք։ Բարեկարգված է Լիճք-Տաշտուն ճանապարհահատվածը։

Գտնվում է ՀՀ պետական սահմանից` 7 կմ հեռավորության, ծովի մակարդակից` 1000 մ բարձրության վրա, կլիմայական բարեխառն գոտում։

Գյուղն պահովված է խմելու և ոռոգման ջրով, գազաֆիկացված է, ճանապարհների վիճակը՝ բավարար։ Նորոգվել են գյուղի խմելու ջրագծերը: Ապահովված է տրանսպորտով՝ դեպի շրջկենտրոն։ Տավուշ գյուղում դեռ տարիներ առաջ ջերմոցային տնտեսություններ են հիմնվել։ 

Տավրուսը գտնվում է Բարգուշատի լեռների հարավային լանջին՝ Աճանան գետի հովտում, ծովի մակարդակից մոտ 1300 մ բարձրության վրա։ Կապանից հեռու է մոտ 9 կմ դեպի հյուսիս։

Տավրուսում ավելացվել են փողոցային լուսատուները, վերանորոգվել են շենքի տանիքները, ջրատարար խողովակները, նոր բաժանարար է տեղադրվել։ Բարեկարգվել են ճանապարհները։ Դեպի Անտառաշատ երթուղային է գործում։