Բնակավայրեր

Վահան գյուղը գտնվում է Ճամբարակից 5 կմ հարավ-արևելք։ Բարձրությունը ծովի մակարդակից 2000 մ է։ Գյուղը հարուստ է անտառներով, աղբյուրներով, վարելահողերով, խոտհարքներով։ 

Գյուղն ապահովված է բնական գազով և ջրով, ամբողջությամբ լուսավորված է: Սուբվենցիոն ծրագրերի շրջանակներում կառուցվում է խմելու ջրատարի արտաքին ցանց։

Բնակավայրը գտնվում է Ախուրյան գետի ձախ ափին, ծովի մակարդակից 1650մ բարձրության վրա։ Գյուղը Վահրամաբերդ վերանվանվել է 1946թ․ի պատիվ միջնադարի հայ զորավար Վահրամ Պահլավունու, որի տապանաքարը պահպանվում է Մարմաշեն վանքի գավթում։

Վահրավար գյուղը գտնվում է Կապանից 70 կմ հեռավարության, ծովի մակարդակից 1260-1320 մ բարձրության վրա։  Հայաստանի հին բնակավայրերից է, այդ են վկայում գյուղում և շրջակայքում գտնվող միջնադարյան գյուղատեղիներն ու եկեղեցիները։  

Գյուղն ապահովված է ջրով, էլեկտրականությամբ։ Կան գյուղատնտեսական նշանակության հողեր, բնակլիմայական պայմանները հատկապես բարենպաստ են այգեգործության, մրգատու ծառերի աճեցման, խաղողագործության համար։

Վաղաշեն բնաակավայրը տեղակայված է համայնքի կենտրոնից 3 կմ արևելք, ծովի մակերևույթից 1940 մ բարձրության վրա: 

Ունի բարեկարգ փողոցներ և նոր վերանորոգված ներհամայնքային ոռոգման ցանց։

Վաղատինը գտնվում է Որոտան գետի ձախ ափին՝ ծովի մակարդակից 1540-1620 մ բարձրության վրա։ Սիսիան քաղաքից հեռու է մոտ 7 կմ դեպի արևելք։

Կատարվում են բնակավայրի խմելու ջրի օրվա կարգավորիչ ջրամբարի շինարարական աշխատանքներ։ Վաղատինում նոր կրթահամալիր է կառուցվել, որտեղ կհաճախեն նաեւ Որոտան, Լծեն, Շամբ գյուղի աշակերտները: Վերանորոգվել է Վաղատինի մանկապարտեզը, արդիականացվել է նաև նախակրթարանի գույքը:

Վաղատուրը գտնվում է Կապանից 97 կմ հեռավորության վրա։ Բարձրությունը ծովի մակարդակից՝ 1550 մ: Վաղատուր գյուղի միջով է հոսում Բայանդուր գետակը։  Հայկական հին գյուղ է՝ պահպանված եկեղեցիներով: 

Սուբվենցիոն ծրագրով բարեկարգվել է Վաղատուրի դպրոցը։ Կառուցվել է նոր բուժկետ, նախակրթարան։ Վաղատուրում վերանորոգվել է խմելու ջրի ներքին ցանցը։

Վայք քաղաքը գտնվում է ՀՀ Վայոց Ձորի մարզում, Արփա գետի միջին հոսանքում։ Բացարձակ բարձրությունները տատանվում են 1200-1300 մետր։ Վայք քաղաքը հանդիսանում է Երևան-Գորիս-Մեղրի ճանապարհի հանգույց։

Բնակավայրի գազաֆիկացված է։ Քաղաքը ձգվում է մոտ 1.5 կմ երկարությամբ։ Քաղաքը գտնվում է միջպետական ճանապարհի վրա, որտեղով անցնում են բազմաթիվ զբոսաշրջային ուղղութուններ: Քաղաքն ունի զարգացած ենթակառուցվածքներ այցելուներին գիշերակացով ապահովելու, նրանց սպասարկելու համար։

Քաղաքում գործում են զբոսայգիներ, մշակութային օբյեկտներ, ժամանցի վայրեր։ Քաղաքում գործում է ներքաղաքային հասարարակական տրանսպորտ, կապի և հեռահաղորդակցության խնդիր չկա։

Վանաձորը գտնվում է Հայաստանի հյուսիսում և Լոռու մարզի ծայր հարավում։ Հարևան բնակավայրերն են արևելքում` Դարպասը, Նոր Խաչակապն ու Լեռնապատը, արևմուտքում՝ Գուգարքը, Շահումյանն ու Փամբակը, հյուսիսում՝ Բազումը, իսկ հարավում՝ Ժամատունը։ Ծովի մակարդակից բարձր է 3082 մետր։ Վանաձորն ունի մեղմ, բարեխառն կլիմա, որին բնորոշ է չափավոր, տարվա բոլոր եղանակներին համեմատաբար խոնավ կլիման։ 

Վանաձորը ՀՀ երրորդ խոշոր քաղաքն է։ Քաղաքի փողոցները ասֆալտապատ են, բարեկարգ, անցկացված է լուսավորության համակարգ։

Վանաձորը համարվում է Հայաստանի արդյունաբերական կենտրոններից մեկը։

Վանանդ գյուղը գտնվում է Հայաստանի Սյունիքի մարզի Գորիս համայնքում հայ-ադրբեջանական շփման գծի հարևանությամբ։ Գորիս քաղաքից հեռու է մոտ 19 կմ դեպի հարավ-արևելք, Շուռնուխ գյուղից՝ 3 կմ հարավ-արևելք, Որոտանի աջակողմյան Քաշունի վտակի ձախափնյա հովտում։

Մշտական բնակչություն չունի, նախկինում այստեղ զբաղվել են անասնապահությամբ և կերային կուլտուրաների մշակությամբ։ Վանանդից 5-6 կմ հարավ-արևելք, անտառի մեջ, կա կիսավեր եկեղեցի։

Վանանդ գյուղը գտնվում է մարզկենտրոնից 24 կմ հարավ-արևմուտք, բարձրությունը ծովի մակարդակից՝ 1025 մ։ 

Վանանդն ունի վերանորոգված և վերազինված բուժկետ, դպրոցում ներառական կրթության ծրագիր է գործում՝ հոգեբանով, հատուկ մանկավարժով։ 

Գյուղում գործում է հակակարկտային կայան:

Վանեք գյուղը գտնվում է Հայաստանի Սյունիքի մարզի Կապան համայնքում։ Բնակավայրը տեղակայված է Աճանան գետի վերին հոսանքի աջ ափին։ Ծովի մակարդակից բարձր է 1225-ից 1240 մ։ Սյունիքի մարզի մարզկենտրոն Կապան քաղաքից հեռու 23 կմ դեպի հյուսիս-արևմուտք։

Գյուղում լուծված է խմելու ջրի հարցը, ճանապարհները նորոգված են։ Վանեք գյուղում վերջերս նոր վարչական շենք է բացվել, ինչպես նաև ակումբ-գրադարան՝ երիտասարդների առօրյան հետաքրքիր և հագեցած դարձնելու համար։

Վանևան գյուղը գտնվում է Վարդենիս քաղաքից մոտ 3 կմ արևմուտք, Մարտունի-Վարդենիս ճանապարհի ձախ կողմում, ծովի մակերևույթից բարձր է 1964 մետր։ 

Գյուղը գազաֆիկացված է, տեղադրվել է արևային կայան․ ֆոտովոլտային կայանն ապահովելու է համայնքի ենթակառուցվածքներն էլեկտրաէներգիայով։ Վանևանն ունի արտաքին լուսավորության ժամանակակից, էներգախնայող LED-համակարգ։ Վանևանում լուծված է գյուղի տնտեսությունների ոռոգման խնդիրը։