Բնակավայրեր

Վարդաշատ գյուղը գտնվում է մարզկենտրոնից 55 կմ, մայրաքաղաքից՝ 90 կմ հեռավորության վրա։ Ծովի մակարդակից ունի մոտ 1830 մ բարձրություն։ Կլիման բարեխառն լեռնային է։ 

Համայնքը ապահովված է ֆիքսված և բջջային հեռախոսակապով։

Վարդավանքը գտնվում է մարզկենտրոնից 14 կմ հեռավորության, ծովի մակարդակից՝ 1120 մ բարձրության վրա։ Վարդավանքի հարևանությամբ գտնվում է Բարգուշատ գյուղը։  Այստեղ կան եկեղեցու ավերակներ, Պուտխաչ կոչվող հնավայրը։ 

Վարդավանքում իրականացվում են խմելու ջրագծերի անցկացման և ակումբի շենքի վերականգնման աշխատանքներ։

Բնակավայրը տեղակայված է Մանթաշ գետի հովտում, Շիրակի դաշտում` ծովի մակարդակից 1600մ բարձրության վրա: Բնական լանդշաֆտները սևահողային լեռնատափաստաններն են: Վարդաքարի մոտ Մանթաշ գետի վրա կառուցված է Վարդաքարի ջրամբարը:

Վարդենիկ բնակավայրը տեղակայված է Վարդենիս գետի ափին։ Տարածքի մեծությամբ համարվում է առաջինը հանրապետությունում: Վարդենիկ բնակավայրը գտնվում է Սևանա լճի հարավային մասում, ծովի մակարդակից 1920-2050 մ բարձրության վրա։

Վարդենիկն ունի ասֆալտապատ, բարեկարգ, լուսավորության համակարգով ապահովված փողոցներ։ Գյուղի առանձին թաղամասեր գազաֆիկացված են։

Վարդենիս քաղաքի տարածքով հոսում են Մասրիկ, Փամբակ, Դարա և այլ գետերը: Կան ոսկու, շինանյութի, տորֆի հանքավայրեր: Բնակավայրը գազաֆիկացված է։

Համայնքում զարգացած է ինտենսիվ գյուղատնտեսությունը` այգեգործությունը, դաշտավարությունը, խոշոր և մանր անասնապահությունը, մեղվապահությունը։ Գործում են բազմաթիվ ջերմոցային տնտեսություններ։ 

Վարսեր բնակավայրը տեղակայված է Սևանի տարածաշրջանում՝ Սևան քաղաքի հյուսիս - արևմտյան մասում, Փամբակի լեռնաշղթայի ստորոտում, Սևանա լճից սկիզբ առնող Հրազդան գետի նախկին՝ ցամաքած հունի հովտում և նրա շրջակայքում։ Գտնվում է ծովի մակերևույթից 1900-1930 մ բարձրության վրա: Բնակավայրի հարավային մասից շուրջ 6 կմ հեռավորությունից ձգվում է Գեղամա լեռնաշղթան: Բնակավայրի կլիման ձմռանը ցրտաշունչ է, ամռանը՝ չոր ու զով։

Վարսերը սահմանակից է Ծովագյուղին, Սևան համայնքին, Լճաշենին և Կոտայքի մարզի Լեռնանիստ բնակավայրին: Բնակավայրի հեռավորությունը միջպետական նշանակության ավտոժանապարհից՝ 1,56 կմ։ 

Բնակավայրն ամբողջությամբ ապահովված են խմելու ջրով, գազաֆիկացված է, էլեկտրաֆիկացված, նորմալ գործում է հեռախոսային, հեռուստատեսային և ինտերնետ կապը։ Բնակավայրն ունի գիշերային լուսավորության ցանց:

Բնակավայրը գտնվում է Հայաստանի Արագածոտնի մարզում, մարզկենտրոնից՝ 40 կմ հյուսիս-արևմուտք, բարձրությունը ծովի մակերևույթից՝ 1600 մ։ Բնակչությունը զբաղվում է անասնապահությամբ և հացահատիկի մշակությամբ։

Վերին Գեղավանքը գտնվում է մարզկենտրոն Կապանից 26 կմ հյուսիս-արևմուտք, Գեղի գետի ձախ ափին։

Վերին Գետաշենը տեղակայված է Սևանա լճից հարավ-արևմուտք։ Գյուղի միջով հոսում է Արգիճի գետը, որի երկարությունը 51 կմ է, ջրահավաք ավազանը՝ 384 կմ⊃2;։ Այն հանդիսանում է բնակավայրի ցանքատարածքների ոռոգման հիմնական աղբյուրը։ 

Վերջին տարիներին գյուղում ակտիվ ընթանում են ճանապարհների բարեկարգման աշխատանքներ, ասֆալտապատվում են գյուղի առաձին փողոցներ, թարմացվում է փողոցային լուսավորության համակարգը։

Վերին Գիրաթաղը գտնվում է Կապանից 13 կմ հյուսիս-արևմուտք, Ողջի գետի ձախ կողմում։ Բնակավայրում կան պտղատու այգիներ, ձկնաբուծարան, մեղի փեթակներ։

Վերին Խոտանանը գտնվում է ծովի մակարդակից 1350-1400 մ բարձրության վրա, մարզկենտրոն Կապանից հեռու է 12 կմ դեպի հյուսիս։

Այստեղ նոր հանդիսությունների սրահ է բացվել։ Բարեկարգվել են դաշտամիջյան ճանապարհները։  Բարեկարգվել է նաև Վերին Խոտանանի Սուրբ Աստվածածին եկեղեցին և եկեղեցամերձ տարածքը։ Միջպետական՝ Վերին Խոտանանը շրջանցող, ամբողջությամբ նոր ճանապարհ է կառուցվում։

Վերին Ծաղկավանը գտնվում է Բերդ քաղաքից 7 կմ հյուսիս-արևմուտք, Վարագաջուր գետի ափին։  Այն Տավուշի հնագույն գյուղերից է։ Գյուղի հարավային ծայրամասում կան հայ նախաքրիստոնեական հին սրբավայրի (հնարավոր է մեհյանի) մնացորդներ։ 

Պետություն-համայնք գործակցությամբ կարգավորվում են տարիներով չլուծված խնդիրները: Տավուշի Վերին Ծաղկավան բնակավայրը սուբվենցիոն ծրագրով շուրջօրյա ջրամատակարարում ունի։ Գյուղում կան փոքր ՀԷԿ-եր։