Բնակավայրեր

Վարագավան գյուղը գտնվում է ՀՀ պետական սահմանից 4.5 կմ հեռու, ծովի մակարդակից՝ 800 մ բարձրության վրա։ 

Գյուղը գազաֆիկացված է, ճանապարհների վիճակը՝ բավարար։ Ապահովված է տրանսպորտով դեպի շրջկենտրոն, լուսավորությամբ, ջրի խնդիրը լուծված է։

Վարդաբլուր բնակավայրը տեղակայված է Փամբակի և Արագած լեռների միջև ընկած գոգավորությունում, Ապարան-Արթիկ ավտոմայրուղուց աջ: Գտնվում է ծովի մակարդակից 2075 մ բարձրության վրա: Կլիման բարեխառն լեռնային է: 

Վարդաբլուր բնակավայրը գտնվում է Գյուլագարակ համայնքում՝ Գարգառ գետի երկու ափերի ընդարձակ հարթություններում՝ ծովի մակարդակից 1320 մ բարձրության վրա: Մարզկենտրոն Վանաձորից հեռու է 31 կմ, իսկ Վանաձոր-Ստեփանավան ավտոմայրուղուց՝ 4 կմ:

Բնակչության հիմնական զբաղմունքը դաշտավարությունն է, ապա՝ անասնաբուծությունը: Առկա բնակչությունը՝ 1009 մարդ, տնտեսությունների թիվը՝ 306: 

Բնակավայրն ապահովված է կենտրոնացված ջրամատակարարմամբ, ամբողջությամբ գազաֆիկացված է, ունի Էլեկտրական 4 ենթակայան:

Վարդահովիտ գյուղը գտնվում է ՀՀ Վայոց Ձորի Եղեգիս համայնքում՝ ծովի մակարդակից 2050 մ բարձրության վրա, ընդգրկված է ՀՀ բարձր լեռնային գյուղերի ցանկում: Գյուղի մեջ ընդգրկված են նաև Սևաժայռ և Գետիկ վանք գյուղատեղիները: Գյուղի վարչական տարածքից են սկիզբ առնում Եղեգիս գետի Սևաժայռ (Կարակայա) և Էլեգիս վտակները: 

Վարդահովիտն ապահովված է ոռոգման և խմելու ջրերով, էլեկտրամատակարարմամբ։ Բնակավայրում գործում են ՀԷԿ-եր, որոնք էլ ապահովում են բնակչության մի մասի զբաղվածությունը։

Եղեգիսում հիմնված նորակառույց դպրոցում կկարողանան սովորել նաեւ Վարդահովիտի երեխաները: Կառավարությունը անվճար կապահովի երեխաների փոխադրումը: Բնակավայրում կապի և հեռահաղորդակցության խնդիր չկա։

Վարդաձոր բնակավայրը գտնվում է համայնքի կենտրոնից 14,5կմ հարավ-արևելք, ծովի մակերևույթից 2000մ բաձրության վրա: Տեղակայված է Մարտունի քաղաքից մոտ 10 կմ հյուսիս-արևմուտք, Սևանա լճի ափից մոտ 3 կմ հեռավորության վրա։

Վերջին տարիներին Վարդաձորում ակտիվ ընթանում են ճանապարհների բարեկարգման աշխատանքներ, ասֆալտապատվում են գյուղի առաձին փողոցներ, թարմացվում է փողոցային լուսավորության համակարգը։

Գյուղը գտնվում է Գյումրի-Աշոցք ավտոմայրուղու վրա, Ջավախքի լեռնաշղթայի արևմտյան ստորոտում, ծովի մակարդակից 2040 մ բարձրության վրա, իրենից ներկայացնում է տրանսպորտային հանգույց:

Հիմնանորոգվել է Վարդաղբյուր-Տաշիր ճանապարհի 10 կմ հատվածը։ Բնակավայրում կա երկաթով հարուստ հանքային ցայտաղբյուր։ Վարդաղբյուրը Շիրակի մարզում Գյումրի-Բավրա միջպետական ճանապարհահատվածի կարևոր հանգույցում է գտնվում։ 

Վարդաղբյուրում հյուրատուն է կառուցվել: Նախաձեռնության շնորհիվ գյուղում ստեղծվել են աշխատատեղեր: Գյուղին տրամադրվել է գյուղտեխնիկա։

Վարդանիձոր գյուղը գտնվում է Մեղրի գետի ձախ ափին՝ ծովի մակարդակից 1040-1140 մ բարձրության վրա, հին գյուղ է։ Վարդանիձորն ունի տաք ու մեղմ բնակլիմայական պայմաններ, հարմարավետ վայր է ակտիվ հանգստի համար:

Կառուցված է գյուղի  ներքին ջրագիծը, ջրատարը։ Նոր մանկապարտեզ է կառուցվել, ավարտվել են մանկապարտեզ և դպրոց տանող ներբնակավայրային ճանապարհի կառուցման աշխատանքները։ Կատարվել են նաև բնակավայրերի ոռոգման համակարգի վերականգնման աշխատանքները։

Վարդաշատ գյուղը գտնվում է մարզկենտրոնից 55 կմ, մայրաքաղաքից՝ 90 կմ հեռավորության վրա։ Ծովի մակարդակից ունի մոտ 1830 մ բարձրություն։ Կլիման բարեխառն լեռնային է։ 

Համայնքը ապահովված է ֆիքսված և բջջային հեռախոսակապով։

Վարդավանքը գտնվում է մարզկենտրոնից 14 կմ հեռավորության, ծովի մակարդակից՝ 1120 մ բարձրության վրա։ Վարդավանքի հարևանությամբ գտնվում է Բարգուշատ գյուղը։  Այստեղ կան եկեղեցու ավերակներ, Պուտխաչ կոչվող հնավայրը։ 

Վարդավանքում իրականացվում են խմելու ջրագծերի անցկացման և ակումբի շենքի վերականգնման աշխատանքներ։

Բնակավայրը տեղակայված է Մանթաշ գետի հովտում, Շիրակի դաշտում` ծովի մակարդակից 1600մ բարձրության վրա: Բնական լանդշաֆտները սևահողային լեռնատափաստաններն են: Վարդաքարի մոտ Մանթաշ գետի վրա կառուցված է Վարդաքարի ջրամբարը:

Վարդենիկ բնակավայրը տեղակայված է Վարդենիս գետի ափին։ Տարածքի մեծությամբ համարվում է առաջինը հանրապետությունում: Վարդենիկ բնակավայրը գտնվում է Սևանա լճի հարավային մասում, ծովի մակարդակից 1920-2050 մ բարձրության վրա։

Վարդենիկն ունի ասֆալտապատ, բարեկարգ, լուսավորության համակարգով ապահովված փողոցներ։ Գյուղի առանձին թաղամասեր գազաֆիկացված են։

Վարդենիս քաղաքի տարածքով հոսում են Մասրիկ, Փամբակ, Դարա և այլ գետերը: Կան ոսկու, շինանյութի, տորֆի հանքավայրեր: Բնակավայրը գազաֆիկացված է։

Համայնքում զարգացած է ինտենսիվ գյուղատնտեսությունը` այգեգործությունը, դաշտավարությունը, խոշոր և մանր անասնապահությունը, մեղվապահությունը։ Գործում են բազմաթիվ ջերմոցային տնտեսություններ։