Բնակավայրեր

Բնակավայրը տեղակայված է Ախուրյան գետի ձախափնյա հովտում` ծովի մակարդակից 1570մ բարձրության վրա: Բնակիչները զբաղվում են հացահատիկային, բանջարաբոստանային, կերային կուլտուրաների մշակությամբ, անասնապահությամբ, թռչնաբուծությամբ:

Սարահարթ բնակավայրը գտնվում է Սպիտակ քաղաքից 10 կմ դեպի հյուսիս-արևելք։ Միջպետական նշանակության ավտոճանապարհից 2 կմ և մոտակա երկաթուղային կայարանից 2 կմ է հեռու: Ծովի մակարդակից բարձր է 1725մ: Գյուղի կլիման ձմռանը ցուրտ է, ամռանը՝ զով։

Բնակավայրում առկա են մաքուր ջրաղբյուրներ։  Բնակավայրը գազիֆիկացված է: Սարահարթ տանող ճանապարհը ասֆալտապատ է, ամբողջությամբ անցկացված է գիշերային լուսավորության ցանց:

Սարամեջ բնակավայրը տեղակայված է Սպիտակ քաղաքից 10 կմ հեռավորության վրա՝ դեպի Երևան տանող ճանապարհին։ Ծովի մակարդակից բարձր է 1720-1760 մ: Բնակավայրի կլիման բարեխառն է։ Գյուղում առկա են մաքուր ջրաղբյուրներ։

Բնակավայրի գլխավոր փողոցն ասֆալտապատ է: Անցկացված է գիշերային լուսավորության ցանց: 

Գյուղը գտնվում է Չիչկան գետի ձախափնյակում, ծովի մակարդակից 1970 մ բարձրության վրա: Ունի աղբյուրներ, որոնք օգտագործվում են որպես խմելու ջուր:

Սարապատում ոռոգման ցանց է կառուցվել, տրամադրվել է նաև գյուղտեխնիկա։ Բարելավվել է ջրային համակարգը։ Զբաղվում են հացահատիկային, բանջարաբոստանային, կերային կուլտուրաների, կարտոֆիլի մշակությամբ, խոշոր և մանր եղջերավոր անասնապահությամբ, թռչնաբուծությամբ:

Սարավան գյուղը գտնվում է Դարբ գետի ափին, մարզկենտրոնից 35 կմ, Վայք քաղաքից՝ 18 կմ հեռավորության վրա, ծովի մակարդակից  բարձր է 1600 մ։ Բնակավայրի տարածքով է անցնում Երևան-Մեղրի միջպետական մայրուղին։

Գյուղն ապահովված է ոռոգման, խմելու ջրերով։ Սարավանը հարուստ է հրաշալի, բերրի այգիներով: Գյուղը գազաֆիկացված է, ճանապարհը՝ բարեկարգ։ Իրականացվում է «Խաղաղության և սպորտի դպրոցներ» ծրագիրը, որի նպատակն է սպորտի, առողջ ապրելակերպի տարածումը և երեխաների ու պատանիների սպորտային կրթությունը։

Բնակավայրը գտնվում է հարթավայրում` ծովի մակարդակից 1550-1950 մ բարձրության վրա: Կլիման բարեխառն է։  Սարատակն ունի միջնակարգ դպրոց, բուժկետ, կապի հանգույց։

Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները՝ հեշտ հասանելի։ 

Սարատովկա բնակավայրը գտնվում է Տաշիր քաղաքից 6կմ հարավ-արևելք՝ Տաշիր գետի աջ ափին։ Կլիման բարեխառն լեռնային է, տևական, ցուրտ ձմեռներով:

Բնակավայրով անցնում է Երևան-Թբիլիսի մայրուղին։

Բնակավայրը գազաֆիկացված է և էլեկտրաֆիկացված։

Սարդարապատ բնակավայրը տեղակայված է մարզկենտրոնից 6 կմ հեռավորության վրա։  Գյուղը գտնվում է ծովի մակերևույթից 880կմ բարձրության վրա։ Կլիման չոր ցամաքային է։ 

Սարիգյուղը գտնվում է մարզկենտրոն Իջևանից 15 կմ հյուսիս: Աչքի է ընկնում  իր հարմար աշխարհագրական  դիրքով, գտնվում է ծովի  մակարդակից 800-850 մ բարձրության վրա: Կենտրոնով անցնում է Երևան-Նոյեմբերյան ասֆալտապատ մայրուղին:

Ճանապարհների վիճակը լավ է։ Գյուղում կան կարմիր բազալտի և ագաթի հանքեր։

Սարուխան գյուղը գտնվում է Գեղամա լեռների ստորոտում, Գավառագետի Գռիձոր և Չռիձոր վտակների միջև։ Վարչական տարածքը 6652,03 հա է, որի մեծ մասը ալպյան արոտներ են։ Կլիման ցամաքային է։

Սարչապետ բնակավայրը գտնվում է Տաշիրի տարածաշրջանում, Տաշիր քաղաքից 16 կմ հյուսիս-արևելք, մարզկենտրոնից գտնվում է 68 կմ հեռավորության վրա: Բարձրությունը ծովի մակարդակից 1705 մետր: Բնակավայրի ռելիեֆը լեռնային է։

Գյուղ տանող ճանապարհը ասֆալտապատ է, բարեկարգված և կանաչապատված է համայնքի կենտրոնը, գիշերային լուսավորությամբ ապահովված են բոլոր փողոցները, 100%-ով ապահովված է շուրջօրյա խմելու ջրով, առկա է գազամատակարարում: Իրականացվում է շրջիկ աղբահանություն:

Բնակավայրը սահմանակից է Վրաստանի Հանրապետությանը:

Սեմյոնովկա բնակավայրը գտնվում է Արեգունի և Գեղամա լեռների արանքում: Հարավային մասով անցում է Ձկնգետը, որը թափվում է Սևանա լիճը: Բնակավայրը գտնվում է ծովի մակերևույթից 2114մ բարձրության վրա։

Սեմյոնովկա բնակավայրը գազաֆիկացված է, համայնքային նշանակության ճանապարհը 2 կմ երկարությամբ է: