Բնակավայրեր

Բնակավայրը գտնվում է Հայաստանի Արագածոտնի մարզում, մարզկենտրոնից՝ 40 կմ հյուսիս-արևմուտք։ Բարձրությունը ծովի մակերևույթից՝ 1800 մ։ Բնակչությունը զբաղվում է անասնապահությամբ, հացահատիկի, կերային կուլտուրաների և մշակությամբ։

Նժդեհ գյուղը գտնվում է Սիսիան քաղաքից մոտ 15 կմ հարավ, Այրիգետի ձախ ափին, ծովի մակարդակից մոտ 1920-1980 մ բարձրության վրա։ Հեռավորությունը Կապան մարզկենտրոնից կազմում է մոտ 124 կմ։ 

Նժդեհ գյուղը ոռոգման ջուր ստանում է Այրի գետից։ Այստեղ գործում է նաև փոքր ՀԷԿ: Դաստակերտ–Նժդեհ–Ցղունի շուրջ 5.4 կմ ճանապարհը վերանորոգվել է: Նժդեհն ապահովվել է արտաքին լուսավորությամբ։

Նոյեմբերյան քաղաքը գտնվում է մարզկենտրոն Իջևանից՝ 55 կմ դեպի հյուսիս-արևմուտք։ Հանրապետության ամենակենսական տարածքն է, քանի որ այնտեղով է անցնում Վրաստանի և արտաքին աշխարհի հետ կապող երկաթուղին ու մայրուղին, այնտեղով է Հայաստան մտնում գազատարը:

Նոյեմբերյանում տարածված է սպորտը, մասնավորապես՝ ըմբշամարտը, վոլեյբոլը, արևելյան մարտարվեստի տարբեր ոճերը, շախմատը և այլն։ Տարածքում կան երկաթի բովեր, պղնձի երևակումներ, սպիտակ ֆելզի տիպաշարներ և հանքային ջրեր։ 

Կլիման աչքի է ընկնում խիստ բազմազանությամբ։ Յուրաքանչյուր ձորակ ու լեռնալանջ առանձնանում է իր ուրույն միկրոկլիմայով։

Նովոսելցովո բնակավայրը գտնվում է Ձորագետի ձախափնյակում՝ Տաշիր քաղաքից 6 կմ հարավ: Կլիման բարեխառն է։

Նոր Ազնաբերդ գյուղը գտնվում է մարզկենտրոնից 42 կմ հարավ-արևելք, ծովի մակարդակից բարձր է 1630 մ։ Մեղմ կլիման բարենպաստ նախադրյալներ է ստեղծում գյուղատնտեսությամբ զբաղվող բնակչության համար․ ջերմությունն ու տեղումները բավարար քանակի են։

Գյուղն ամբողջությամբ լուսավորված է։ Ճանապարհը ասֆալտապատ է, ոռոգման, խմելու ջրի խնդիր գյուղում չկա։ Գյուղում գործում է դպրոցական ավտոբուս։  Բնակավայրում կապի և հեռահաղորդակցության խնդիր չկա։

Նոր Աստղաբերդի բարձրությունը ծովի մակարդակց՝ 1850 մ։ Կառուցվել է բնակավայրի փողոցային լուսավորության համակարգը։ Դպրոցականները հաճախում են հարևան Գեղի գյուղի դպրոցը։

Բնակավայրը գտնվում է Հայաստանի Արագածոտնի մարզում մարզկենտրոնից՝ 68 կմ հյուսիս-արևմուտք, Երևանից 100 կմ հեռավորության վրա, ծովի մակերևույթից՝ 1550 մետր բարձրության վրա։

Նոր Խաչակապ բնակավայրը գտնվում է ՀՀ հյուսիս-արևմտյան մասում, Սպիտակ քաղաքից 9 կմ հեռավորության վրա: Բնակավայրը սահմանակից է արևմուտքից Արջհովիտ բնակավայրին, հյուսիսից՝ Արջուտ բնակավայրին, հարավից և արևելքից՝ Լեռնապատ բնակավայրին: Նոր Խաչակապ բնակավայրը գտնվում է ծովի մակերևույթից 1450մ բարձրության վրա:

Բնակավայրի տարածքով հոսում է Փամբակ գետը: Բնակավայրը շրջապատված է անտառներով: Կլիման չոր ցամաքային է:

Բնակավայրը գտնվում է հարթավայրում`ծովի մակարդակից մոտ 1700մ բարձրության վրա: Կլիման բարեխառն լեռնային է։ Նոր Կյանքն ունի հիմնանորոգված միջնակարգ դպրոց, բուժկետ, կապի հանգույց։ Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները՝ հեշտ հասանելի։

Նորաբակ գյուղը գտնվում է Վարդենիս քաղաքից մոտ 10 կմ հարավ-արևելք։ Ընդգրկված է Գեղամասար համայնքում:Բնակեցվել է 5-րդ դարից, Նորաբակ է վերանվանվել 1991 թ.: Բնակավայրը հարուստ է պատմամշակութային հուշարձաններով։

Գյուղում վերանորոգվում է դպրոցը: 10 բիզնես նախաձեռնություններ ստացել են աջակցություն, փողոցային լուսավորության համակարգերը արդիականացվել են, գյուղմթերքի վաճառքի համար կառուցվել է լոգիստիկ կենտրոն: ՄԱԿ-ի Զարգացման ծրագրի կողմից գյուղում իրականացվում են մի շարք բարեփոխումներ։ 

Նորաբակ գյուղն անասնապահությամբ և կաթի վերամշակումով զբաղվելու լավագույն վայրերից մեկն է հանրապետությունում։

Նորակերտ բնակավայրը գտնվում է Վարդենիս քաղաքից 13 կմ դեպի հյուսիս արևմուտք, Սևանա լճի արևելյան ափից 4 կմ հեռավորության վրա, ծովի մակարդակից 1978 մետր բարձրության վրա: Հիմնադրվել է 1927 թվականին։

Գործում է խմելու ջրատար, ոռոգման համակարգ։ Գյուղը գազաֆիկացված է։

Նորամուտը գտնվում է Լոռի գետի ափին, Տաշիր քաղաքից 14 կմ դեպի հարավ-արևմուտք: Կլիման բարեխառն է