Բնակավայրեր

Գյուղը գտնվում է Զոհաջուր գետի հովտում: Գյուղը գտնվում է ծովի մակարդակից 1960 մետր բարձրության վրա։ Տարածքին բնորոշ է չափավոր ցամաքային կլիմա՝ տաք ամառ և ցուրտ ձմեռ։ 

Ընդարձակ տարածքներ են զբաղեցնում մարգագետինները, որոնք գյուղի անասնապահության հիմնական կերային բազաներից մեկն են։ Գյուղացիներին տրամադրվել են պտղատու ծառերի տնկիներ։ 

Սանահին բնակավայրը գտնվում է Հայաստանի հյուսիս-արևելյան տարածքում, Ալավերդի քաղաքից 7 կմ հեռավորության վրա։ Կլիման մեղմ՝ ամռանը շոգ չէ, ձմռանը սառնամանիքներ չեն լինում։ Ծովի մակերևույթից բարձր է 1060 մ։

Բնակավայրը գազաֆիկացված է, ներհամայնքային ճանապարհերը բարեկարգ։

Սառնակունք գյուղը գտնվում է Որոտան գետի ձախ կողմում` սարահարթին, ծովի մակարդակից մոտ 2100 մ բարձրության վրա։  Տեղակայված է Երևան-Գորիս ավտոմայրուղու վրա։ 

Սյունիքի հին գյուղերից է։ Տարածքը հայտնի է փոքրիկ վաճառակետերով՝ հիմնականում ուտելի բույսերով և խոտաբույսերով։

Բնակավայրը գտնվում է Հայաստանի Հանրապետության Շիրակի մարզի հարավարևելյան մասում, ծովի մակարդակից մոտ 2000մ բարձրության վրա: Բնակչության հիմնական զբաղմունքը եղել և մնում է հողագործությունն ու անասնապահությունը: Առանձին տնտեսություններ զբաղվում են թռչնաբուծությամբ, մեղվապահությամբ և բանջարաբոստանային կուլտուրաների մշակությամբ:

Սարագյուղը գտնվում է Աշոցք համայնքի հյուսիսային մասում։ Գյուղով անցնում է Հայաստան-Վրաստան պետական սահմանը։ Այն Աշոցք համայնքի ամենաբարձր գյուղն է. գտնվում է ծովի մակարդակից 2150 մետր բարձրության վրա:

Սարագյուղում գիշերային լուսավորության ցանց է անցկացվել։ Կառավարության սուբվենցիոն ծրագրով ձեռք է բերվել գյուղտեխնիկա։ Իրականացվել են բնական գազի ներքին ցանցի կառուցման աշխատանքներ։

Բնակավայրը գտնվում է Արագած լեռան հյուսիս-արևմտյան ստորոտին, ծովի մակարդակից 2010 մ բարձրության վրա: Տիրապետում են լեռնատափաստանային և լեռնամարգագետնային լանդշաֆտները։ 

Սարալանջը ունի միջնակարգ դպրոց, բուժկետ, կապի հանգույց։ Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները՝ հեշտ հասանելի։

Սարալանջ բնակավայրը տեղակայված է Սպիտակ-Գյումրի մայրուղուց 2 կմ դեպի հյուսիս։ Գյուղը գտնվում է Փամբակ գետի ձախ կողմում՝ ծովի մակերևույթից 1800 մ բարձրության վրա։

Գյուղի կլիման ձմռանը ցրտաշունչ է, իսկ ամռանը զով։

Գյուղը գազաֆիկացված է, ճանապարհները բարեկարգ։

Բնակավայրը տեղակայված է Ախուրյան գետի ձախափնյա հովտում` ծովի մակարդակից 1570մ բարձրության վրա: Բնակիչները զբաղվում են հացահատիկային, բանջարաբոստանային, կերային կուլտուրաների մշակությամբ, անասնապահությամբ, թռչնաբուծությամբ:

Սարահարթ բնակավայրը գտնվում է Սպիտակ քաղաքից 10 կմ դեպի հյուսիս-արևելք։ Միջպետական նշանակության ավտոճանապարհից 2 կմ և մոտակա երկաթուղային կայարանից 2 կմ է հեռու: Ծովի մակարդակից բարձր է 1725մ: Գյուղի կլիման ձմռանը ցուրտ է, ամռանը՝ զով։

Բնակավայրում առկա են մաքուր ջրաղբյուրներ։  Բնակավայրը գազիֆիկացված է: Սարահարթ տանող ճանապարհը ասֆալտապատ է, ամբողջությամբ անցկացված է գիշերային լուսավորության ցանց:

Սարամեջ բնակավայրը տեղակայված է Սպիտակ քաղաքից 10 կմ հեռավորության վրա՝ դեպի Երևան տանող ճանապարհին։ Ծովի մակարդակից բարձր է 1720-1760 մ: Բնակավայրի կլիման բարեխառն է։ Գյուղում առկա են մաքուր ջրաղբյուրներ։

Բնակավայրի գլխավոր փողոցն ասֆալտապատ է: Անցկացված է գիշերային լուսավորության ցանց: 

Գյուղը գտնվում է Չիչկան գետի ձախափնյակում, ծովի մակարդակից 1970 մ բարձրության վրա: Ունի աղբյուրներ, որոնք օգտագործվում են որպես խմելու ջուր:

Սարապատում ոռոգման ցանց է կառուցվել, տրամադրվել է նաև գյուղտեխնիկա։ Բարելավվել է ջրային համակարգը։ Զբաղվում են հացահատիկային, բանջարաբոստանային, կերային կուլտուրաների, կարտոֆիլի մշակությամբ, խոշոր և մանր եղջերավոր անասնապահությամբ, թռչնաբուծությամբ:

Սարավան գյուղը գտնվում է Դարբ գետի ափին, մարզկենտրոնից 35 կմ, Վայք քաղաքից՝ 18 կմ հեռավորության վրա, ծովի մակարդակից  բարձր է 1600 մ։ Բնակավայրի տարածքով է անցնում Երևան-Մեղրի միջպետական մայրուղին։

Գյուղն ապահովված է ոռոգման, խմելու ջրերով։ Սարավանը հարուստ է հրաշալի, բերրի այգիներով: Գյուղը գազաֆիկացված է, ճանապարհը՝ բարեկարգ։ Իրականացվում է «Խաղաղության և սպորտի դպրոցներ» ծրագիրը, որի նպատակն է սպորտի, առողջ ապրելակերպի տարածումը և երեխաների ու պատանիների սպորտային կրթությունը։