Բնակավայրեր

Բնակավայրը գտնվում է մարզկենտրոնից 49 կմ հյուսիս-արևելք, բարձրությունը ծովի մակերևույթից 1900 մ բարձրության վրա։ Բնակչությունը զբաղվում է դաշտավարությամբ և անասնապահությամբ։

Եղվարդ գյուղը գտնվում է Սյունիքի մարզի մարզկենտրոն Կապան քաղաքից մոտ 12 կմ հյուսիս-արևելք՝ ծովի մակարդակից 1040-1120 մ բարձրության վրա։ Գյուղատնտեսական գործունեության հիմնական ուղղություններն են անասնապահությունը, դաշտավարությունը: Գյուղում կա ինտենսիվ այգի՝ 5,5 հա տարածքով։

Գյուղում կկառուցվի նոր մոդուլային տիպի դպրոց (կից մանկապարտեզով), որը իր նշանակությամբ կծառայի ոչ միայն որպես դպրոց, այլ նաև համայնքային մշակութային կենտրոն։ Առաջիկայում կբարեկարգվի Եղվարդ գյուղի բուժակ֊մանկաբարձական կետը։

Ենոքավան բնակավայրը գտնվում է Տավուշի մարզի Իջևան համայնքում՝ մարզկենտրոն Իջևանից մոտ 14 կմ հյուսիս-արևմուտք։ Բնակավայրը տեղակայված է անտառապատ լեռնային գոտում, Սառնաջուր գետի կիրճի հարևանությամբ, ծովի մակարդակից շուրջ 700–800 մ բարձրության վրա։ 

Վերջին տարիներին զբոսաշրջության զարգացման շնորհիվ բարեկարգվել են մի շարք ներհամայնքային հատվածներ և հյուրատնային ենթակառուցվածքներ։

Երազգավորսը գտնվում է Շիրակի մարզի հարավ-արևմտյան մասում, Գյումրի - Արմավիր ավտոճանապարհի կողքին։ Համայնքի տարածքը կազմում է 70 հա։ Հարավից սահմանակից է Բայանդուր համայնքին, հյուսիսից Գետք համայնքին։ 

Գյուղում նոր ոռոգման ցանց է կառուցվել։ Հիմնականում զբաղվում են անասնապահությամբ և հողագործությամբ, ինչը հանդիսանում է նրանց եկամուտի հիմնական աղբյուրը։ Գյուղն ունի գյուղատնտեսական բերրի, ոռոգելի հողեր, Գյումրի-Արմավիր ճանապարհին մոտ տեղադիրք։ 

Երանոս բնակավայրը գտնվում է Գեղարքունյաց լեռնաշղթայի հարավ—արևելյան ստորոտին, Ձագ գետի ստորին հոսանքում, համայնքի կենտրոնից 15 կմ հարավ-արևմուտք։

Երասխ գյուղը գտնվում է մարզկենտրոնից 36 կմ դեպի հարավ-արևելք, ծովի մակարդակից 810 մ բարձրության վրա։ 

Գյուղը գազաֆիկացված է, կա ջրամատակարարման ներքին ցանց, ներկայումս կառուցվում է խաղահրապարակ և սպորտդպրոց։  

Հիմնանորոգված է Երևան-Երասխ-Գորիս-Մեղրի ճանապարհի՝ Արարատ համայնքում գտնվող 12,2 կմ հատվածը։

Երիզակը գտնվում է Զարիշատ գյուղից 3 կմ հարավ, Արփի լճի հարավային կողմում, սարալանջի վրա։ Երիզակ է վերանվանվել 1991 թ.:

Բնակավայրում մշտական բնակիչներ չկան, տարածքում զբաղվել են անասնապահությամբ և երկրագործությամբ։

Երվանդաշատ գյուղը գտնվում է Արմավիրի մարզում, Արաքս և Ախուրյան գետերի միախառնման անկյունում, ծովի մակարդակից 975 մ բարձրության վրա, մարզկենտրոնից 43 կմ հարավ-արևմուտք։ 

Գյուղում կառուցված է խմելու ջրի ցանց։ Գյուղացիներն օգտվում են նաև էներգատաքացուցիչներից (տնային տնտեսությունների 50%-ն արդեն տեղադրել են): 

Զանգակատունը գտնվում է մարզկենտրոնից 55 կմ հեռավորության վրա: Գյուղի թիկունքում կառուցվել է 2 մլն. խորանարդ մետր տարողությամբ ջրամբար՝ ոռոգման նպատակով: 

Գյուղի ուսանողների ուսման վարձի 50 տոկոսը հոգում է պետությունը։ Բնակավայրում գործում են Արարատի համայնքապետարանի կողմից տրամադրված անվճար ուսանողական ավտոբուսներ։

Զառիթափ գյուղը գտնվում է Վայքի լեռնաշղթայի հարավ-արևելյան մասում։ Ծովի մակարդակից բարձր է 1400-2100 մ։ Գյուղը փռված է յոթ բլուրների վրա, գյուղամիջով անցնում է Փշոնք, իսկ հյուսիսային սահմանով անց Արփա գետերը

Զառիթափ գյուղը հիմնադրվել է 1829 թ.։ Գյուղն ապահովված է ոռոգման, խմելու ջրերով։ Գազաֆիկացված է, լուծված է փողոցային լուսավորության հարցը։ Զառիթափը 24-ժամյա ջրամատակարարում ունի։ Ներկայումս վերանորոգվում է Զառիթափի մանկապարտեզը։

Զառիվեր բնակավայրը գտնվում է ՀՀ Գեղարքունիքի մարզում՝ Վարդենիս համայնքում։ Բնակավայրը ՀՀ բարձրլեռնային գոտիներից է՝ գտնվում է ծովի մակարդակից 2100 մետր բարձրության վրա։ Բնակավայրն աչքի է ընկնում երկար, ցրտաշունչ ձմեռներով։

Բնակավայրում մշտապես առկա է 16 տնտեսություն։ Ամռան ամիսներին այս թիվը մեծանում է՝ պայմանավորված սեզոնային անասնապահության և դաշտավարության աշխատանքներով։ Բնակավայրն ապահովված է հոսանքով և ինտերնետ հասանելիությամբ։ Բնակիչների հիմնական զբաղմունքը անասնապահությունն ու հողագործությունն է։

Բնակավայրը գտնվում է մարզկենտրոնից՝ 67 կմ հյուսիս-արևմուտք։ Զարինջա գյուղում մարդիկ զբաղվում են անասնապահությամբ ու գյուղատնտեսությամբ։ Գյուղում ապրուստը հիմնված է դաշտերի մշակության վրա։