Բնակավայրեր

Թանահատը գտնվում է Սիսիանից մոտ 12 կմ հարավ-արևմուտք, Սիսիան գետի ձախ օժանդակ Կամրջակ գետակի ձախ ափին, ծովի մակարդակից 1920-1960 մ բարձրության վրա։ Հեռավորությունը Կապան մարզկենտրոնից ճանապարհով կազմում է 118 կմ։ 

Բնակավայրը գոյություն է ունեցել հնագույն ժամանակներում, ինչի մասին վկայում է 1975 թ. Թանահատի ավերակներում հայտնաբերված ուրարտերեն սեպագիր արձանագրությունը։

Թառաթումբ գյուղը գտնվում է Վարդենիսի լեռնաշղթայի հարավային լանջերին, ծովի մակարդակից 1640 մ բարձրության վրա, Եղեգնաձոր քաղաքից 22 կմ հյուսիս-արևմուտք, Երևանից 140 կմ հեռավորությամբ։ 

Բնակավայրում կառուցվել է խմելու ջրի նոր ջրագիծ, որը վերջնականապես լուծել է ոռոգման և խմելու ջրի հիմնախնդիրը։ Մթերող կազմակերպություններն օգնում են գյուղացուն իրացնել մթերքը։  Այստեղ կառուցվում է հրապարակ, զրուցարան։ 

Բնակավայրում կապի և հեռահաղորդակցության խնդիր չկա։

Թասիկը գտնվում է ծովի մակարդակից 1700-1760 մ բարձրության, մարզկենտրոն Կապանից 113 կմ հեռավորության վրա։

Գյուղում կա ՀԷԿ։ Վերանորոգվել է Թասիկ բնակավայրի խմելու ջրի ջրագիծը: Տևական աշխատանքներից հետո՝ ամբողջությամբ վերականգնվել է ջրամատակարարումը: Բնակավայրի, ինչպես նաև դաշտամիջյան ճանապարհների հարթեցման աշխատանքներ են կատարվել։

Գյուղը գտնվում է մարզկենտրոնից 44 կմ հյուսիս, Ծաղկաշեն գետի աջափնյա շրջանում։ Գյուղի տարածքում նախկինում եղել է բնակավայր, ինչի վկան պատմամշակութային հուշարձաններն են։ 

Ունի աղբյուրներ, որոնք օգտագործվում են որպես խմելու ջուր: ՄԱԿ-ի ծրագրով ստեղծվել է կոոպերատիվ։ Սուբվենցիոն ծրագրի շրջանակում նաև ջրագիծ է անցկացվել։ Գյուղին տրամադրվել է գյուղտեխնիկա։ Բարեկարգվել են ճանապարհները։ Թավշուտում նոր ոռոգման համակարգ է տեղադրվել։

Թեղուտ գյուղը գտնվում է ՀՀ Տավուշ մարզի Դիլիջան համայնքի հյուսիս-արևելքում՝ Դիլիջան-Իջևան ճանապարհի վրա,Աղստև գետի ձախափնյակում։Գյուղից ոչ հեռու՝ անտառային գեղատեսիլ գոտում, գտնվում է Պարզ լիճը՝ Տավուշ մարզի կարևորագույն բնական հուշարձաններից մեկը։Ծովի մակերևույթից բարձր է 1040-1150մետր։Գտնվում է բարեխառն կլիմայական գոտում։

Թեղուտը տարածաշրջանի կարևոր խաչմերուկներից մեկն է. Թեղուտով են անցնում Բերդ- Իջևան- Դիլիջան- երևան, Բերդ- Իջևան- Դիլիջան- Վանաձոր մայրուղիները։ 

Թեղուտը կապված է համայնքային կենտրոնի և այլ համայնքների հետ միկրոավտոբուսային երթուղիներով։

Թեղուտ բնակավայրը գտնվում է Լոռու մարզի Ալավերդի համայնքի կազմում, Դեբեդ գետի Շնող վտակի աջ ափին, ծովի մակերևույթից գտնվում է 760մ բաձրության վրա։

Ունի բարենպաստ կլիմա՝ ոչ շոգ ամառ և մեղմ ձմեռ։ Գյուղը հարուստ է երկնագույն փիրուզի և պղինձ մոլիբդենի հանքավայրերով:

Գյուղը գազաֆիկացված է, գրեթե բոլոր փողոցները լուսավորված են, ապահովված է շուրջօրյա ջրամատակարարմամբ:

Թթուջուրը գտնվում է հանրապետական նշանակության Ճամբարակ-Բերդ և Ճամբարակ-Իջևան-Դիլիջան ավտոճանապարհների խաչմերուկում: Միջին հեռավորությունը ՀՀ պետական սահմանից 2.5 կմ է։ Բնակավայրի կենտրոնում կա հանքային ջուր, որից ծագել է գյուղի անունը:

Տավուշի մարզում շարունակվում են Թթուջուր-Նավուր ավտոճանապարհի հիմնանորոգման աշխատանքները, ոլորանները քիչ են։  Թթուջրում կրթահամալիր, հանդիսությունների սրահ է կառուցվում։ 

Գտնվում է Մեղրի գետի ձախ ափին՝ ծովի մակարդակից մոտ 1200 մ բարձրության վրա։ Թխկուտը ՄԱԿ-ի Պարենի համաշխարհային նոր ծրագրով կջրարբիացվի։ 

Ավարտվել են բնակավայրի ոռոգման համակարգի վերականգնման աշխատանքները: Գյուղի մոտ կա պղնձամոլիբդենային հանքավայր։

Գյուղ խոշորացված Աշոցք համայնքում, գտնվում է Հողմաջուր գետի միջին հոսանքի աջափնյակի շրջանում, ծովի մակարդակից 1960 մ բարձրության վրա։ Գյուղն ունի խմելու ջրի մեծ պաշարներ, որոնք գոյանում են բնական աղբյուրների հաշվին: Թորոսգյուղում գործում է երիտասարդական ճամբար։ 

Ավանդաբար այստեղ է անցկացվում նաև «Շիրակի ձմեռ» մարզային միջոցառումը։ Այստեղ գտնվում նաև «Մանուշակ» ճամբարը, ուր ամռան ամիսներին հարյուրավոր երեխաներ անցկացնում են իրենց հանգիստը, իսկ ձմռանը սա հիանալի վայր է դահուկային սպորտի սիրահարների համար։

Թումանյան քաղաքը գտնվում է Լոռու մարզի հյուսիս-արևելյան մասում, զբաղեցնում է Դեբեդ գետի ստորին հոսանքի ավազանի աջափնյա մասը, Դեբեդի կիրճի աջափնյա դարավանդները: Քաղաքի բարձրությունը ծովի մակերևույթից 810 մետր է: Թումանյան քաղաքի հեռավորությունը տարածաշրջանային կենտրոն Ալավերդի քաղաքից՝ 14կմ: Քաղաքի մոտով է անցնում Մ-6 միջպետական նշանակության Վանաձոր-Ալավերդի Վրաստանի սահման ճանապարհը:

Քաղաքի կլիման մերձարևադարձային է, չափավոր շոգ և չորային ամառներով, մեղմ ձմեռներով: Քաղաքը ագրո կլիմայական տեսակետից ընկած է ինտենսիվ ոռոգման գոտում: 

Իծաքար գյուղը գտնվում է ՀՀ պետական սահմանից 14 կմ հեռավորության, ծովի մակարդակից 1150 մ բարձրության վրա։ 

Գյուղը գազաֆիկացված է, առկա է փողոցային լուսավորություն։ Լուծված է ջրի խնդիրը։  Կառուցվել են պաշտանիչ պատեր։ Ապահովված է տրանսպորտով՝ դեպի շրջկենտրոն, սուբվենցիոն ծրագրի շնորհիվ ձեռք է բերվել գյուղտեխնիկա։ 

Իշխանասար գյուղը գտնվում է Կապան քաղաքից 98 կմ հեռավարության վրա, Իշխանասարի ստորոտին: Հայկական հին բնակավայրերից է։ 

Իշխանասարում կան ինտենսիվ այգի և վերամշակման գործարան: Կառավարության աջակցության ծրագրերով ձեռք է բերվել 204 մլն. դրամի գյուղտեխնիկա և ագրոպարենային ոլորտի սարքավորումներ։