Բնակավայրեր

Իշխանասար գյուղը գտնվում է Կապան քաղաքից 98 կմ հեռավարության վրա, Իշխանասարի ստորոտին: Հայկական հին բնակավայրերից է։ 

Իշխանասարում կան ինտենսիվ այգի և վերամշակման գործարան: Կառավարության աջակցության ծրագրերով ձեռք է բերվել 204 մլն. դրամի գյուղտեխնիկա և ագրոպարենային ոլորտի սարքավորումներ։

Իսահակյան գյուղը գտնվում է Ախուրյան գետի ձախ կողմում, ծովի մակարդակից 1470 մ բարձրության վրա։ Բնակավայրը գազաֆիկացված է, առկա է փողոցային լուսավորություն։

Գյուղը Իսահակյան է վերանվանվել ի պատիվ մեծանուն բանաստեղծ Ավ. Իսահակյանի, որը ծնվել և իր մանկությունն անց է կացրել նախկինում Ղազարապատ կոչվող այս գյուղում:

Լանջառ գյուղը տեղակայված է մարզկենտրոնից 55 կմ հարավ-արևելք, բարձրությունը ծովի մակարդակից՝ 1800 մ։ Կլիման բարեխառն լեռնային է: 

Գյուղում ամբողջովին լուսավորված է, կան ջրատաքացուցիչներ։ Լանջառում զբաղվում են անասնապահությամբ, այգեգործությամբ, դաշտավարությամբ, բանջարաբուծությամբ: Մշակում են հացահատիկային և կերային կուլտուրաներ:

Լեհվազ գյուղը գտնվում է Մեղրի և Վահրավար գետերի միախառնման վայրում՝ ծովի մակարդակից 900-950 մ բարձրության վրա։ Մեղրիի ամենամեծ գյուղն է: Կլիման ջրառատ է։

Կառուցվել է գյուղի ջրամատակարարման ներքին ցանցը (այս ծրագրով լուծում է տրվել գյուղում ջրի խնդրին)։ Բացվել է «Արմաթ» ինժեներական լաբորատորիա։ Լուծվել է գազաֆիկացման հարցը։

Տնտեսության հիմնական ճյուղերն են այգեգործությունը, պտղաբուծությունը, կերային կուլտուրաների մշակությունը, անասնապահությունը և շերամապահությունը։ Լեհվազի բնակիչներն աշխատում են Ճանապարհաշինարարական կազմակերպությունում, Ագարակի պղնձամոլիբդենային կոմբինատում։

Լեջան բնակավայրը տեղակայված է Ստեփանավան քաղաքից մոտ 4 կմ դեպի հյուսիս-արևելք՝ Լեջանջուր գետի ափին, ծովի մակարդակից բարձր է 1460-1475 մ: 

Երկար տարիների դադարից հետո Լոռի Բերդ համայնքի Լեջան բնակավայրում վերաբացվել է մանկապարտեզը։ Բնակավայրի նոր, բարեկարգված վարչական կենտրոնը ևս պատրաստ է շահագործման։ 

Լեռնագյուղը գտնվում է ՀՀ հյուսիս-արևմուտքում՝ Շիրակի լեռնաշղթայի հյուսիսային լանջին, Իլլի գետի հովտում, ծովի մակարդակից 1980 մ բարձրության վրա: Որպես բնակավայր ունի 3000 տարվա պատմություն:

Լեռնագյուղ տանող ճանապարհը անցնում է Թորոսգյուղի միջով, հիմնական մայրուղուց հեռու է 4-5 կիլոմետր: Լեռնագյուղցիները կաթը Բանդիվանի գործարանին են հասցնում։ Գյուղին տրամադրվել է գյուղտեխնիկա։

Զբաղվում են խոշոր և մանր եղջերավոր անասնաբուծությամբ, թռչնաբուծությամբ, հացահատիկային, բանջարաբոստանային, կերային կուլտուրաների, կարտոֆիլի մշակությամբ և պտղաբուծությամբ:

Լեռնաձորը կառուցվել է 1958 թ. նախկին գյուղից 2 կմ հարավ-արևելք, նախկին Դիլլար-Տիրնիկ գյուղատեղիում։

Լեռնաձորում բացվել է «Արմաթ» ինժեներական լաբորատորիա։ Նաև պուրակ է կառուցվել։ Նախատեսվում է Լեռնաձոր – Փուխրուտ – Կաթնառատ ներհամայնքային ճանապարհի հիմնանորոգում։

Լիճք գյուղը գտնվում է մարզկենտրոն Կապանից 53 կմ հեռավորության, ծովի մակարդակից՝ 1780 մ բարձրության վրա։ 

Բարեկարգվել է Լիճք-Տաշտուն  ճանապարհահատվածը։ Գյուղատնտեսական գործունեության հիմնական ուղղություններն են անասնապահությունը և դաշտավարությունը: Գյուղատնտեսությամբ զբաղվում է 49 գյուղացիական տնտեսություն:

Լծեն գյուղը գտնվում է Որոտան գետի աջ կողմում՝ ծովի մակարդակից մոտ 1560 մ բարձրության վրա։ Սիսիան քաղաքից հեռու է մոտ 12 կմ դեպի հարավ-արևելք։ Որոշ ժամանակաշրջան հայտնի է եղել նաև Լիզին անունով: 

Լծենում փոխարինվել է ինչպես խմելու, այնպես էլ ոռոգման ջրի ջրագիծը։ Տևական աշխատանքներից հետո ամբողջությամբ վերականգնվել է ջրամատակարարումը: Լծեն-Տաթև տեղական նշանակության ավտոճանապարհի վերակառուցման և Լծեն-Շամբ ճանապարհի 6,15 կմ հատվածի շինարարության աշխատանքներն ավարտվել են: Վաղատինի նորակառույց կրթահամալիր են հաճախում նաև Լծենի աշակերտները: Կառավարությունը անվճար ապահովում է երեխաների փոխադրումը։

Լճավան գյուղը գտնվում է մարզկենտրոն Գավառից 65 կմ հարավ-արևելք, ծովի մակարդակից 2040 մետր բարձրության վրա։ 

Գազաֆիկացված է, առկա է գիշերային լուսավորություն ու ջրամատակարարում։

Լճկաձորը գտնվում է Նոյեմբերյան քաղաքից 22 կմ հյուսիս-արևմուտք, ՀՀ պետական սահմանից 3.5 կմ հեռու, ծովի մակարդակից 725 մ բարձրության վրա։  

Կլիման մեղմ է, ձմեռներն անցնում ենանսառնամանիք, մշտական ձյունածածկույթը երկար չի մնում, հունվարյան միջին ջերմաստիճանը մոտ է 0 C-ին։ Գարունը բուռն է ու անձրևային։ Ամառները տևական են ու շոգ, հուլիսյան միջին ջերմաստիճանը 25 C է։ Աշունները մեղմ են ու տևական։ 

Բնակավայրը գազաֆիկացված է, ապահովված է խմելու և ոռոգման ջրով։ Ճանապարհների վիճակը՝ բարվոք։

Լոր գյուղը գտնվում է Լորաձոր գետի ձախ ափին՝ ծովի մակարդակից 1630-1660 մետր բարձրության վրա։ Սիսիան քաղաքից հեռու է մոտ 13 կմ դեպի հարավ-արևելք։ Գյուղը հիշատակվում է միջին դարերից։

Գյուղամիջյան ճանապարհները  բարեկարգ են, ասֆալտապատ։ Գյուղում կա ՀԷԿ։ Գյուղի Սուրբ Հովհաննես հայտնի եկեղեցու հարևանությամբ հոսում է «կծու ջուր» բնական գազավորումով հանքային ջուրը։ Սյունիքի մարզի Դարբաս‚ Գետաթաղ‚ Լոր‚ Շենաթաղ համայնքներով անցնող շուրջ 13.7 կմ երկարությամբ ճանապարհը հիմնանորոգվել է «Կենսական նշանակության ճանապարհային ցանցի բարելավման ծրագրի» շրջանակում։