Բնակավայրեր

Լծեն գյուղը գտնվում է Որոտան գետի աջ կողմում՝ ծովի մակարդակից մոտ 1560 մ բարձրության վրա։ Սիսիան քաղաքից հեռու է մոտ 12 կմ դեպի հարավ-արևելք։ Որոշ ժամանակաշրջան հայտնի է եղել նաև Լիզին անունով: 

Լծենում փոխարինվել է ինչպես խմելու, այնպես էլ ոռոգման ջրի ջրագիծը։ Տևական աշխատանքներից հետո ամբողջությամբ վերականգնվել է ջրամատակարարումը: Լծեն-Տաթև տեղական նշանակության ավտոճանապարհի վերակառուցման և Լծեն-Շամբ ճանապարհի 6,15 կմ հատվածի շինարարության աշխատանքներն ավարտվել են: Վաղատինի նորակառույց կրթահամալիր են հաճախում նաև Լծենի աշակերտները: Կառավարությունը անվճար ապահովում է երեխաների փոխադրումը։

Լճաշեն բնակավայրը տեղակայաված է Գեղամա և Փամբակի լեռնաշղթաների գոգավորությունում, Սևանա լճի հյուսիս-արևմտյան ափին։

Լճավան գյուղը գտնվում է մարզկենտրոն Գավառից 65 կմ հարավ-արևելք, ծովի մակարդակից 2040 մետր բարձրության վրա։ 

Գազաֆիկացված է, առկա է գիշերային լուսավորություն ու ջրամատակարարում։

Լճափ գյուղը գտնվում է Հայաստանի Գեղարքունիքի մարզի Գավառ համայնքում։ 

Լճկաձորը գտնվում է Նոյեմբերյան քաղաքից 22 կմ հյուսիս-արևմուտք, ՀՀ պետական սահմանից 3.5 կմ հեռու, ծովի մակարդակից 725 մ բարձրության վրա։  

Կլիման մեղմ է, ձմեռներն անցնում ենանսառնամանիք, մշտական ձյունածածկույթը երկար չի մնում, հունվարյան միջին ջերմաստիճանը մոտ է 0 C-ին։ Գարունը բուռն է ու անձրևային։ Ամառները տևական են ու շոգ, հուլիսյան միջին ջերմաստիճանը 25 C է։ Աշունները մեղմ են ու տևական։ 

Բնակավայրը գազաֆիկացված է, ապահովված է խմելու և ոռոգման ջրով։ Ճանապարհների վիճակը՝ բարվոք։

Լոռի Բերդ բնակավայրը տեղակայված է Ստեփանավան քաղաքից 2 կմ դեպի հյուսիս-արևելք։ Ծովի մակարդակից բարձր է 1375 մ: Բնակավայրը գտնվում է Լոռու մարզի Ձորագետ և Ուռուտ գետերի միջնահատվածում։ Բնակավայրի կլիման վերջին տարիներին խիստ փոփոխվել է։ Նախկին ձյունառատ ձմռան փոխարեն ներկայումս շատ քիչ ձյուն է տեղում, գարունը ցուրտ է, ամառը՝ զով, իսկ աշունը տաք և անձրևային։

Ստեփանավան քաղաքից մինչև բնակավայր տանող ճանապարհը ասֆալտապատ է, ամբողջությամբ անցկացված է գիշերային լուսավորության ցանց:

Լոր գյուղը գտնվում է Լորաձոր գետի ձախ ափին՝ ծովի մակարդակից 1630-1660 մետր բարձրության վրա։ Սիսիան քաղաքից հեռու է մոտ 13 կմ դեպի հարավ-արևելք։ Գյուղը հիշատակվում է միջին դարերից։

Գյուղամիջյան ճանապարհները  բարեկարգ են, ասֆալտապատ։ Գյուղում կա ՀԷԿ։ Գյուղի Սուրբ Հովհաննես հայտնի եկեղեցու հարևանությամբ հոսում է «կծու ջուր» բնական գազավորումով հանքային ջուրը։ Սյունիքի մարզի Դարբաս‚ Գետաթաղ‚ Լոր‚ Շենաթաղ համայնքներով անցնող շուրջ 13.7 կմ երկարությամբ ճանապարհը հիմնանորոգվել է «Կենսական նշանակության ճանապարհային ցանցի բարելավման ծրագրի» շրջանակում։

Լորասարը գտնվում է Ծաղկուտ գյուղից 3 կմ հյուսիս-արևմուտք, Արփի լճի հյուսիսային կողմում։

Բնակավայրում մշտական բնակչություն առկա չէ։

Լորուտ բնակավայրը գտնվում է Մարց գետի աջափնյա լանջին, Ալավերդի քաղաքից մոտ 20կմ հարավ-արևելք, բլուրների վրա, անտառապատ գեղատեսիլ վայրում: Գյուղը տեղակայված է Ալավերդի քաղաքից՝ 38 կմ, համայնքի կենտրոնից՝ 21 կմ: Գյուղի բարձրությունը ծովի մակերևույթից 1500 մետր է: Բնակավայրը սահմանակից է Մարց, Շամուտ ու Ահնիձոր գյուղերին: Գյուղի կլիման համեմատաբար մեղմ է: Ագրոկլիմայական տեսակետից գյուղն ընկած է մասնակի ոռոգման գոտում։ Բնական լանդշաֆտները լեռնանտառներ են:

Լուկաշին բնակավայրը տեղակայված է ծովի մակերևույթից 900 մ բարձրության վրա։ Բնակավայրի հեռավորությունը մայրաքաղաք Երևանից հեռու է 50 կմ, մարզկենտրոնից 5 կմ։ Բնակիչները հիմնականում  զբաղվում  են հողագործությամբ։  Լուկաշին գյուղը սահմանակից է Նորավան և Խանջյան գյուղերին։

Բնակավայրը գազաֆիկացված է, փողոցները բարեկարգ են, ունեն լուսավորության համակարգ։

Բնակավայրը գտնվում է ծովի մակերևույթից 1540 մ բարձրության վրա, աշխարհագրական դիրքը լեռնային է։ 

Լուսակերտն ունի միջնակարգ դպրոց, բուժկետ։ Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները հեշտ հասանելի։

Բնակավայրը գտնվում է Հայաստանի Արագածոտնի մարզում, մարզկենտրոնից՝ 61 կմ հարավ-արևմուտք, բարձրությունը ծովի մակերևույթից՝ 1120 մ։ Գյուղը հիմնադրվել է 1983 թվականին 3-րդ սովխոզ անվանումով։ Լուսակն է վերանվանվել 1993 թվականին։

Բնակչությունը զբաղվում է անասնապահությամբ և բանջարաբոստանային կուլտուրաների մշակությամբ։