Բնակավայրեր

Լուսաձոր գյուղը գտնվում է Մթնաձոր գետի ստորին հոսանքի շրջանում, մարզկենտրոնից 6 կմ հյուսիս։ 

Հարուստ է ջրային պաշարներով: Գյուղի ներքևի տարածքով հոսում է Աղստև գետը, իսկ միջով՝ Լուսաձոր գետը: Լուսաձոր գյուղի շրջակայքը անտառապատ է, կլիման՝  բարեխառն:

Գազաֆիկացված է, գործում են ներհամայնքային երթուղիներ, ջերմոցներ են կառուցվում։ Ներկայումս ընթանում են նոր դպրոցի և մանկապարտեզի շինարարական աշխատանքներ։

Լուսաղբյուր գյուղը գտնվում է Փամբակ հովտի արևմտյան ծայրամասում, Մարալ-Դաղ լեռան ստորոտին: Գյուղը գտնվում է Վանաձոր-Գյումրի մայրուղու վրա, ծովի մակարդակից 1850-1900մ բարձրության վրա: Գյուղով են անցնում Թբիլիսի-Գյումրի երկաթուղին և ավտոճանապարհը:

Լուսաղբյուրը շրջապատված է սարերով, որի լանջերից բխող բնական աղբյուրներից հոսում է բնակավայրի խմելու ջուրը:

Լուսաղբյուրը գտնվում է Հայաստանի հյուսիս-արևմտյան մասում, ծովի մակարդակից 1470 մ բարձրության վրա: Համայնքի տարածքով է անցնում Երևան–Թբիլիսի երկաթգիծը և Գյումրի-Արմավիր ավտոճանապարհը: 

Համայնքը գազաֆիկացված է, ճանապարհները՝ բարեկարգված։ Լուսաղբյուր համայնքը հարևան համայնքների, նախկին շրջկենտրոնի և մարզկենտրոնի հետ կապող տրանսպորտի վիճակը լավ է։ 

Գյուղի դպրոցում «Արմաթ»-ի ռոբոտաշինության դասընթացներ են կազմակերպվում։

Լուսառատ բնակավայրը  գտնվում է  Արարատի  մարզի  վարչական  տարածքում  մարզի  հարավ արևմտյան  հատվածում, ծովի  մակերևույթից  815  մ  բարձրության  վրա:

Լուսառատը ամբողջովին լուսավորված է, գազաֆիկացված, ընթացքի մեջ է ոռոգման համակարգի նորոգման ծրագիրը։ 

Լուսառատում զարգացած է խաղողագործությունը. գույղը խաղողի մթերման քանակությամբ ՀՀ-ում առաջատար գյուղն է։ 

Խաշթառակ գյուղը գտնվում է Իջևանից 4 կմ հյուսիս-արևելք՝ Աղստև գետի աջ ափին։ Վերանորոգված է գյուղի ոռոգման ցանցը։ Գյուղում տեղադրվել են արևային էներգիայի ջրատաքացուցիչներ։ Գազաֆիկացված է։

Կառավարության աջակցությամբ նոր մանկապարտեզ է կառուցվել։ Խաշթառակում իրականացվում է «Տնամերձ հողամասերում այգեհիմնման և ոռոգման արդիական համակարգերի ներդրման» ծրագիրը։

Գտնվում է Սևանի ավազանի հարավ արևելյան մասում, Վարդենիս համայնքից 4 կմ հեռավորության, ծովի մակարդակից 1950 մետր բարձրության վրա:

Գյուղը գազաֆիկացված է։ Խաչաղբյուրում նոր ոռոգման ցանց է կառուցվել, որը կենսական նշանակություն ունի։ 
Բնակավայրում բարենպաստ պայմաններ են անասնապահության, գյուղատնտեսության զարգացման համար:

Խաչիկ գյուղը գտնվում է Վայոց Ձորի մարզի Արենի համայնքում, Եղեգնաձոր քաղաքից 37 կմ հեռավորության վրա, ծովի մակարդակից բարձր է 1850 մ։ Գյուղի աշխարհագրական տեղադրությունը և կլիման բարենպաստ են պտղաբուծության համար, հողային ռեսուրսները լավն են։ 

Գյուղում կա բջջային կապ և ինտերնետ, այն գազաֆիկացված է, ապահովված է խմելու և ոռոգման ջրերով, գործում են խմելու ջրի երեք հիմնական ջրագծերը և ներքին ցանցը, բարեկարգվում է ջրամբարը։ Սուբվենցիոն ծրագրով տրամադրվել է գյուխտեխնիկա:

Բացվել է «Արմաթ» ինժեներական լաբորատորիա։ Մեկնարկել է համայնքային զարգացման կրթամշակութային ծրագիր, որի շրջանակում ուսուցանվում են արվեստի մի քանի ճյուղեր՝ ասեղնագործություն, կավագործություն։

Խդրանց գյուղը գտնվում է Բարգուշատի լեռնաշղթայի ճյուղերից մեկի լեռնալանջերին՝ ծովի մակարդակից 1000-1100 մ բարձրության վրա: Հեռավորությունը մարզկենտրոնից՝ 17 կմ։

Գյուղն ունի ջուր, էլեկտրականություն։  Կառավարության ու միջազգային դոնորի համագործակցության արդյունքում համայնքին մոտոբլոկներ ու խոտհնձիչներ են տրամադրվել։

Գյուղատնտեսական գործունեության հիմնական ուղղություններն են անասնապահությունը, դաշտավարությունը: Զբաղվում են նաև այգեգործությամբ, մեղվաբուծությամբ։

Խնածախ գյուղը գտնվում է Գորիս քաղաքից 31 կմ հեռավորության վրա`ծովի մակարդակից 1380 մետր բարձրության վրա։ Գյուղում կան բուժկետ, ապաստարաններ։ Բացվել է «Արմաթ» ինժեներական լաբորատորիա։

Խնածախ բնակավայրում սուբվենցիոն ծրագրով երեխաների համար լողավազան է կառուցվել։ Այստեղ կկառուցվի նաև շվաքարան, բնակավայրի հացահատիկահավաք։ Խնածախ գյուղում լուծում է ստացել մշտական խմելու ջրի ապահովման խնդիրը: Գյուղը 24 ժամ մշտական խմելու ջուր կունենա:

Խնկոյան բնակավայրը գտնվում է հանրապետության հյուսիսարևմտյան մասում՝ Բազումի և Փամբակի լեռնաշղթաների հատման տեղում, Գյումրի-Վանաձոր մայրուղուց 2 կմ հեռավորության վրա։ Ծովի մակերևույթից բարձր է 1826 մ:

Կլիման բարեխառն է՝ ամռանը մեղմ և զով, առավելագույն ջերմաստիճանը հասնում է 27 Cо, ձմեռը ցրտաշունչ է, բրքառատ ու երկարատև՝ շուրջ 5 ամիս տևողությամբ:

Խնձորեսկը գտնվում է մարզկենտրոնից 82 կմ հեռավորության, ծովի մակարդակից 1580 մ բարձրության վրա։ Հարուստ է բազում տեսարժան վայրերով։ Հայտնի է Կախովի կամուրջը, որը միացնում է Կիրճի երկու ափերը։

Գյուղը ոռոգման ջրի խնդիր չունի։ Խնձորեսկում հիմնանորոգվել է կենտրոնական հրապարակը, ասֆալտապատվել են հարակից տարածքներն ու բնակավայր մտնող հիմնական ճանապարհը։ Բարեկարգվում է նաև Խնձորեսկից դեպի Ներքին Խնձորեսկ տանող կարևոր նշանակության 8 կմ ճանապարհը։ Լուծված է գյուղի լուսավորության հարցը, ջրի խնդիրը։

Ավարտվել են բնակավայրի մանկապարտեզի նորոգման աշխատանքները։ Փոքրիկները հնարավորություն կունենան հաճախել հարմարավետ և ժամանակակից պայմաններով ապահովված մանկապարտեզ: Արդիականացվել է մանկապարտեզի ամբողջ գույքը։

Խնձորուտը գտնվում է Վայոց Ձորի հարավ-արևմտյան հատվածում, մարզկենտրոնից 45 կմ հարավ-արևելք։ Բնակչությունը զբաղվում է անասնապահությամբ, դաշտավարությամբ, այգեգործությամբ և ծխախոտագործությամբ։

Ճանապարհները մեծ մասամբ ասֆալտապատված են։ Բնակավայրը գազաֆիկացված է, ապահովված է արտաքին լուսավորությամբ։  Բնակավայրում կապի և հեռահաղորդակցության խնդիր չկա, մասնակիորեն ապահովված է ոռոգման և խմելու ջրերով։ Նախադպրոցական տարիքի երեխաները հաճախում են Զառիթափում գտնվող մանկապարտեզ։