Բնակավայրեր

Գտնվում է Ամասիա գյուղից 24 կմ հյուսիս-արևմուտք,Աշոցքի սարավանդում, Եղնախաղի լեռնաշղթայի ստորոտում` ծովի մակարդակից 2100-2170 մ բարձրությունների վրա:

Գյուղում կա 17 նոր տնից բաղկացած թաղամաս։ Գյուղին տրամադրվել է գյուղտեխնիկա։ Զբաղվում են խոշոր և մանր եղջերավոր անասնաբուծությամբ, թռչնաբուծությամբ, մեղվաբուծությամբ, հացահատիկային, կերային կուլտուրաների մշակությամբ:

Ծավը գտնվում է ծովի մակարդակից մոտ 1100 մ բարձրության վրա, մարզկենտրոնից 16 կմ դեպի հարավ։ Շրջապատված է Շիկահողի պետական արգելոցով: Իր բնությամբ ու տեսարժան վայրերով Ծավն իդեալական վայր է էկոտուրիզմի համար: Շրջակայքում չկան հանքեր: Այս փաստն էկոլոգիապես մաքուր սննդի գրավականն է:Այստեղ անգամ արևադարձային մրգեր են աճում։ 

Ծավում կառուցվելու է նոր կրթահամալիր, որը կրթօջախ է հանդիսանալու նաև հարևան բնակավայրերի երեխաների համար. նրանց բարեկարգված ճանապարհով, երթուղայիններով կտեղափոխեն:

Ծափաթաղը գտնվում է Վարդենիսից 32 կմ հյուսիս-արևմուտք։

Այստեղ հիմնվել է գերժամանակակից արևային կայան, իրականացվել են բնական անտառի վերականգնման աշխատանքներ,  կառուցվել է ոռոգման համակարգ և անցկացվել փողոցային լուսավորություն:

Ծափաթաղ գյուղը համարվում է Գեղարքունիքի մարզի հիմնական զբոսաշրջային գրավչություններից մեկը: Գյուղում գործում է նաև հյուրանոցային համալիր։ 

Ծիլքար բնակավայրը գտնվումէ Ծաղկահովիտ համայնքում, տեղակայված է 2150 մ բարձրության վրա, թեք սարավանդի վրա։ Անտառազուրկ է, կլիման բարեխառն լեռնային է։

Ծղուկ գյուղը գտնվում է Որոտան գետի ձախ կողմում՝ ծովի մակարդակից 2120-2160 մ բարձրության վրա։ Նախկինում կոչվում էր Բորիսովկա, իսկ 1925 թվականին կարճ ժամանակով կոչվել է նաև Հայկավան։ 

Գյուղն ապահովված է բնական գազով, ոռոգման և խմելու ջրերով։ Ճանապարհները բարեկարգված են։ Գյուղում գործում է ջրամբար։

Ծովագյուղը Հայաստանի ամենալեռնոտ շրջաններից է՝ գտնվում է Արեգունի, Փամբակի և Գեղամա լեռնաշղթաների հանգուցակետում։ Գյուղը գտնվում է Սևանա լճի ափին՝ Սևան քաղաքից 10 կմ հյուսիս-արևմուտք։ 

Բնակվայրը գազաֆիկացված է, ներհամայքնային ճանապարհները՝ բարեկարգ։

Ծովակ գյուղը գտնվում է Վարդենիս քաղաքից մոտ 6 կմ արևմուտք, Սևանա լճի հարավ-արևելյան ափի մոտ,  ծովի մակարդակից 1920 մ բարձրության վրա։ Գտնվում է բառեխառն գոտում, առավելագույն բարձր ջերմաստիճանը +32C, նվազագույն -35C:

Գազաֆիկացված է, առկա է գիշերային լուսավորություն, համայնքում տեղադրվել են նաև արևային ֆոտովոլտային կայաններ և ԼԵԴ լամպեր։ 

Ծովասար բնակավայրը տեղակայված է Մարտունուց՝ 15 կմ հարավ-արևելք, զբաղեցնում է շուրջ 4 կմ2 տարածք: Գյուղը գտնվում է ծովի մակերևույթից 2100 մ բարձրության վրա: 

Մյուս գյուղերի համեմատությամբ Ծովասարն ունի բարձրլեռնային դիրք։ Ծովասարից երևում է Սևանա լիճը։ Ծովասարը շրջապատված է բարձր լեռներով, որոնցից մեկը Ծովասար լեռն է, իսկ մյուսը՝ Արմաղանը, իսկ հեռվում՝ Սևանա լճի ամբողջ երկայնքով՝ նաև Գեղամա լեռները։

Ներհամայնքային ճանապարհները բարեկարգ են։

Ծովինար բնակավայրը տեղակայված է Սևանա լճի հարավային ափամերձ գոտում, լճից մոտավորապես 2 կմ հեռավորության վրա, Վարդենիս տանող ճանապարհի մոտ։ Ծովի մակարդակից բարձր է ավելի քան 2000մ։ 

Ծովինարն ունի ասֆալտապատ, բարեկարգ, լուսավորության համակարգով ապահովված փողոցներ։

Բնակավայրը գտնվում է Հայաստանի Արագածոտնի մարզում։ Տարածքը կազմում է 1288 կմ։ Կաթնաղբյուր գյուղը գտնվում է մարզկենտրոնից՝ 42 կմ հյուսիս-արևմուտք, բարձրությունը ծովի մակերևույթից՝ 1720 մ։ Կլիման ցամաքային է, ձմեռը՝ ցուրտ, ամառը՝ շոգ և չոր, նվազագույն ջերմաստիճանը 31 °C է, առավելագույնը՝ 40 °C։ 

Բնակչությունը զբաղվում է անասնապահությամբ, ծխախոտի, հացահատիկի և կերային կուլտուրաների մշակությամբ։

Կաթնաղբյուր բնակավայրը տեղակայված է Ստեփանավան քաղաքից 18 կմ դեպի արևմուտք։ Ծովի մակարդակից բարձր է 1650 մ: Կաթնաղբյուր բնակավայրի կլիման ձմռանը ցրտաշունչ է, ամռանը՝ զով:

Բնակավայրը անտառամերձ է, հիմնականում սոճիներով շրջապատված, առկա են մաքուր ջրաղբյուրներ։

Ստեփանավան քաղաքից մինչև բնակավայր տանող ճանապարհը ասֆալտապատ է, ամբողջությամբ անցկացված է գիշերային լուսավորության ցանց: 

Կաթնաջուր բնակավայրն ընկած է Բազումի լեռնաշղթայի արևմտյան մասի սարահարթի հարավում:Սպիտակ համայնքից գտնվում է 15 կմ հեռավորության վրա: Ծովի մակարդակից բարձր է 1715 մ: Բնակավայրը ունի լեռնային ռելիեֆ և չոր կլիմա՝ ձմռանը ցրտաշունչ է, ամռանը՝ զով:

Բնակավայրի տարածքով է անցնում Վանաձոր - Գյումրի մայրուղին, Վանաձոր - Երևան մայրուղուն կապող Սպիտակ քաղաքը շրջանցող Կաթնաջուր - Շիրակամուտ ճանապարհը: Վանաձոր - Գյումրի մայրուղուց բնակավայր տանող ճանապարհն ասֆալտապատ է։ 

Բնակավայրը հարյուր տոկոսով գազաֆիկացված է, ապահովված գիշերային լուսավորության համակարգով և շուրջորյա խմելու ջրամատակարարումով: