Բնակավայրեր

Խդրանց գյուղը գտնվում է Բարգուշատի լեռնաշղթայի ճյուղերից մեկի լեռնալանջերին՝ ծովի մակարդակից 1000-1100 մ բարձրության վրա: Հեռավորությունը մարզկենտրոնից՝ 17 կմ։

Գյուղն ունի ջուր, էլեկտրականություն։  Կառավարության ու միջազգային դոնորի համագործակցության արդյունքում համայնքին մոտոբլոկներ ու խոտհնձիչներ են տրամադրվել։

Գյուղատնտեսական գործունեության հիմնական ուղղություններն են անասնապահությունը, դաշտավարությունը: Զբաղվում են նաև այգեգործությամբ, մեղվաբուծությամբ։

Խնածախ գյուղը գտնվում է Գորիս քաղաքից 31 կմ հեռավորության վրա`ծովի մակարդակից 1380 մետր բարձրության վրա։ Գյուղում կան բուժկետ, ապաստարաններ։ Բացվել է «Արմաթ» ինժեներական լաբորատորիա։

Խնածախ բնակավայրում սուբվենցիոն ծրագրով երեխաների համար լողավազան է կառուցվել։ Այստեղ կկառուցվի նաև շվաքարան, բնակավայրի հացահատիկահավաք։ Խնածախ գյուղում լուծում է ստացել մշտական խմելու ջրի ապահովման խնդիրը: Գյուղը 24 ժամ մշտական խմելու ջուր կունենա:

Խնկոյան բնակավայրը գտնվում է հանրապետության հյուսիսարևմտյան մասում՝ Բազումի և Փամբակի լեռնաշղթաների հատման տեղում, Գյումրի-Վանաձոր մայրուղուց 2 կմ հեռավորության վրա։ Ծովի մակերևույթից բարձր է 1826 մ:

Կլիման բարեխառն է՝ ամռանը մեղմ և զով, առավելագույն ջերմաստիճանը հասնում է 27 Cо, ձմեռը ցրտաշունչ է, բրքառատ ու երկարատև՝ շուրջ 5 ամիս տևողությամբ:

Խնձորեսկը գտնվում է մարզկենտրոնից 82 կմ հեռավորության, ծովի մակարդակից 1580 մ բարձրության վրա։ Հարուստ է բազում տեսարժան վայրերով։ Հայտնի է Կախովի կամուրջը, որը միացնում է Կիրճի երկու ափերը։

Գյուղը ոռոգման ջրի խնդիր չունի։ Խնձորեսկում հիմնանորոգվել է կենտրոնական հրապարակը, ասֆալտապատվել են հարակից տարածքներն ու բնակավայր մտնող հիմնական ճանապարհը։ Բարեկարգվում է նաև Խնձորեսկից դեպի Ներքին Խնձորեսկ տանող կարևոր նշանակության 8 կմ ճանապարհը։ Լուծված է գյուղի լուսավորության հարցը, ջրի խնդիրը։

Ավարտվել են բնակավայրի մանկապարտեզի նորոգման աշխատանքները։ Փոքրիկները հնարավորություն կունենան հաճախել հարմարավետ և ժամանակակից պայմաններով ապահովված մանկապարտեզ: Արդիականացվել է մանկապարտեզի ամբողջ գույքը։

Խնձորուտը գտնվում է Վայոց Ձորի հարավ-արևմտյան հատվածում, մարզկենտրոնից 45 կմ հարավ-արևելք։ Բնակչությունը զբաղվում է անասնապահությամբ, դաշտավարությամբ, այգեգործությամբ և ծխախոտագործությամբ։

Ճանապարհները մեծ մասամբ ասֆալտապատված են։ Բնակավայրը գազաֆիկացված է, ապահովված է արտաքին լուսավորությամբ։  Բնակավայրում կապի և հեռահաղորդակցության խնդիր չկա, մասնակիորեն ապահովված է ոռոգման և խմելու ջրերով։ Նախադպրոցական տարիքի երեխաները հաճախում են Զառիթափում գտնվող մանկապարտեզ։

Խոզնավարը գտնվում է մարզկենտրոնից 100 կմ հեռավորության վրա: Բարձրությունը ծովի մակարդակից՝ 1600 մ։

Դեպի Խոզնավար գնացող ճանապարհը նորոգված է։ Խոզնավարում նոր նախակրթարան են կառուցել, վերանորոգվել է խմելու ջրի ներքին ցանցը։

Գտնվում է Որոտան գետի ձախ կողմում՝ սարավանդի վրա, ծովի մակարդակից 1470 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից կազմում է մոտ 69 կմ։ Գյուղը Սյունիքի հնագույն բնակավայրերից է, այն Տաթև զբոսաշրջային կենտրոնի մեջ ներառված գյուղերից է: 

Խոտ գյուղում բացվել է «Արմաթ» ինժեներական լաբորատորիա։  Ընթացքի մեջ են Խոտ-Որոտան ճանապարհի վերակառուցման աշխատանքները։ Հին Խոտի տարածքում խոշոր զբոսաշրջային կենտրոն կկառուցվի։

Խորձորը գտնվում է Սյունիքի մարզի մարզկենտրոն Կապան քաղաքից մոտ 5 կմ դեպի հյուսիս-արևելք՝ բարձր ձորալանջին, ծովի մակարդակից մոտ 750 մ բարձրության վրա։ Գյուղն ունի ջուր, էլեկտրականություն։

Ծաթեր բնակավայրը տեղակայված է Դեբեդ գետի բարձրադիր ձախ ափին՝ սարալանջի վրա։ Գտնվում է ծովի մակերևույթից 1200մ բարձրության վրա։ Ալավերդի քաղաքից հեռու է 22 կմ։ Գյուղի կլիման մերձարևադարձային է՝ չափավոր շոգ ամառներով, մեղմ ձմեռներով։ 

Ծակքար բնակավայրը տեղակայված է Սևանա լճից հարավ-արևմուտք, Ծակքար գետի ստորին հոսանքի շրջանում, մարզկենտրոնից 25 կմ հարավ-արևելք։ Գյուղը գտնվում է ծովի մակերևույթից 2000 մետր միջին բարձրության վրա։

Գյուղի գլխավոր փողոցներն ասֆալտապատ են, առկա է գիշերային լոըսավորության համակարգ։

Ծաղկաբեր բնակավայրը տեղակայված է Սպիտակ համայնքից 25կմ դեպի հարավ-արևմուտք։ Ծովի մակարդակից բարձր է 1750մ: Բնակավայրի կլիման խիստ փոփոխական է՝ ձմռանը ցրտաշունչ և ձնառատ, ամռանը՝ տապ։ Բնակիչությունը զբաղվում է անասնապահությամբ և հողագործությամբ:

Մայրուղուց մինչև բնակավայր տանող ճանապարհը ասֆալտապատ է, ամբողջությամբ անցկացված է գիշերային լուսավորության ցանց: 

Ծաղկահովիտ բնակավայրը տեղակայված է Արագած լեռան հյուսիսային ստորոտին, Ծաղկահովիտ գետի ափին։ Բարձրությունը ծովի մակերևույթից՝ 2100 մ։

Գյուղը գազաֆիկացված է։